Takimi me Kim Jong-un, Trump mund të ndalojë në Kretë….

Presidenti Donald Trump njoftohet se do të ulet në bazën ajrore detare në Kretë, gjatë fundjavës në tranzit në Singapor, ku do të takohet me udhëheqësin e Koresë së Veriut Kim Jong-Un për bisedimet bërthamore.

Forca Ajrore 1, avioni presidencial i SHBA, do të duhet të furnizohet me karburant dhe shërbimet e SHBA po marrin parasysh ndalimin e mundshëm të avionit në Kretë.

Sipas medias greke “Protothema” deklarohet se ekziston mundësia që Forca Ajrore 1 të ndalojë furnizimin me karburant në një tjetër baze ajrore në rajonin më të gjerë, për shembull në bazën e Napolit, por ende asgje nuk është zyrtare.
Po sipas medias greke shkruhet se deri më tani nuk është sqaruar se sa kohë do të mbetet Donald Trump në Kretë nëse avioni presidencial amerikan përfundimisht do të ndalojë të furnizohet në Souda.

Nëse presidenti amerikan ndalon në Kretë, ka të ngjarë që ai të takohet me ambasadorin e SHBA në Athinë Geoffrey Pyatt apo edhe kryeministrin Alexis Tsipras nëse amerikanët e ftojnë atë.