Takimi me Presidentin e PE, Basha: Më konfirmoi mbështetje e fuqishme për…

Presidenti i PE, David Sassoli, konfirmoi sot në takim me Kryetarin e Partisë Demokratike, Lulzim Basha, se personalisht dhe institucionalisht, do të jetë një mbështetje e fuqishme dhe e vazhdueshme për rrugën europiane të Shqipërisë dhe përparimin demokratik të vendit tonë ndërkohë që lideri i opozitës u shpreh:

“Partia Demokratike dhe Opozita e Bashkuar po bën gjithçka që hapja e negociatave me Bashkimin Europian të bëhet realitet sa më parë.”

Pas takimit, duke shprehur mnirënjohje për Presidentin Sassoli dhe Parlamentin Europian për mesazhin shpresëdhënës se populli shqiptar ka patur dhe do të ketë gjithmonë mbështetjen e Europës, Lulzim Basha thekson:

“I konfirmova se Partia Demokratike dhe Opozita e Bashkuar po bën gjithçka që aspirata e qytetarëve shqiptarë për hapjen e negociatave me Bashkimin Europian të bëhet realitet sa më parë. Bashkimi Europian dhe respektimi i vlerave europiane është e ardhmja e vetme e Shqipërisë, pavarësisht krizës që vendi po kalon!”