Takimi Meta-Rama, detajet i jep Zyra e kryeministrit…

Pas përfundimit të takimit “kokë më kokë” të kryeministrit Edi Rama dhe Presidentit Ilir Meta, i cili zgjati rreth 90­ minuta, deklarata e parë zyrtare mbi detajet e takimit vjen nga Zyra e kryeministrit:

“Me kërkesë të tij, Kryeministri u takua me Presidentin e Republikës, për të diskutuar rreth përmbajtjes së letrës së këtij të fundit mbi propozimin për dekretimin e Gjeneral Sandër Lleshit si Ministër i Brendshëm. Bashkëbisedimi ishte i hapur e konstruktiv dhe kryeministri do të vijojë komunikimin me Presidentin e Republikës,” thuhet nga burime zyrtare të kryeministrisë.

Ndryshe, më 27 tetor Edi Rama njoftoi se pas dorëheqjes së Fatmir Xhafaj, kishte dërguar për dekretim emrin e gjeneral Sandër Lleshin për ministër të Brendshëm. Pak orë pas dorëheqjes, Ilir Meta dekretoi shkarkimin e Xhafajt, por jo edhe emërimin e Sandër Lleshit.

Dje, Zyra e shtypit e Presidentit Meta njfoti se nuk do ta dekretoj Sandër Lleshin për ministër te ri:

“Presidenti i Republikës, Sh.T.Z Ilir Meta nuk ka krijuar bindjen e plotë për t’i dhënë besimin kandidaturës së Z.Sandër Lleshaj si ministër i Brendshëm.”