Takimi për Asociacionin në Ambasadën e SHBA, Presidentja dërgon përfaqësues Kryeministri nuk ftohet

Deri sa Kryeministri i Kosovës, Albin Kurti, e pranoi vetë se nuk ishte ftuar në takimin që Ambasadori i SHBA në Prishtinë, Jeff Hovenier, do të organizojë për krijimin e Asociacionit të komunave me shumicë serbe, mësohet se as Presidentja Vjosa Osmani nuk do të jetë prezent por do të dërgojë një përfaqësues.

“Presidentja Osmani do ta dërgojë një përfaqësues të kabinetit të saj në këtë takim,” është shprehur për televizioni publik të Kosovës, RTK, këshilltari për Media i Presidentes së Republikës, Bekim Kupina.

Ndryshe, më 31 janar në Ambasadën Amerikane në Prishtinë, do të zhvillohet një takim me liderët politik dhe organizatave të ndryshme ku temë e diskutimit do të jetë krijimi i Asociacionit të komunave me shumicë serbe në Kosovë.