Takon “U.D. Kryetarin e PD”, Yuri Kim nuk njeh Vendimin e Gjykatës por të Gazment Bardhit
Ambasadorja e SHBA në Tiranë, Yuri Kim, pas takimit me Kryetarin e Grupit Parlamentar të PD, Enkelejd Alibeaj e bëri të qartë se ka takuar “Ushtruesin e Detyrës së Kryetarit të PD” duke mos pranuar Vendimin e Gjykatës që njeh ndryshimet e Statutit të PD më 11 Dhjetor dhe Komisionin e Rithemelimit si drejtues deri në zgjedhjet e radhës.
“Diskutim shumë i mirë sot me Ushtruesin e detyrës së kryetarit të PD dhe kryetarin e Grupit Parlamentar të PD, Enkelejd Alibeaj për një gamë të gjerë çështjesh. SHBA ka pasur një marrëdhënie të fortë, të veçantë me PD që në lindjen e kësaj partie. Ne e vlerësojmë këtë marrëdhënie dhe rolin e domosdoshëm të PD-së për Shqipërinë, shpresojmë që të dy vetëm të forcohen,” thekson Yuri Kim përmes rrjetit social Twitter duke i bërë të qartë edhe atyre që ngushëllohen se Vendimi i Gjykatës nuk është zbardhur, se ajo nuk njeh Komision e Rithemelimit por Alibeajn për kryetar edhe pse ai qëndron në atë post për qejfin e Gazment Bardhit, dhe nuk ka lidhje me asnjë Statut të PD që nga viti 1992 ndërsa shton:
“Kemi shumë punë përpara për ta mbajtur Shqipërinë në rrugën e anëtarësimit në BE, demokracisë, ndërtimin e bashkëpunimit në mbrojtjen e dhe zgjerimin e mundësive të biznesit dhe ekonomike për të gjithë. Le të vazhdojmë së bashku përpara, jo mbrapa!”
Ndryshe, pas dorëheqjes së Lulzim Bashës nga posti i Kryetarit, Ish-Ministri i Drejtësisë dhe Sekretari i Përgjithshëm, Gazment Bardhi njoftoi se ka emëruar për Kryetar në detyrë, Ish-Ministrin e Drejtësisë dhe Nënkryetarin, Enkelejd Alibeaj, pasi ishte vetëm një kandidaturë dhe nuk kishte arsye të votohet në Këshill Kombëtar.
Si e kanë katandisë partinë edhe nuk arsye të votohet njeri aty, por arsye nuk mund të jetë fakti se është vetëm një kandidaturë edhe kur këtë e pranojnë dy Ish-Ministra të Drejtësisë.
Sot, President i Republikës është Ilir Meta i cili ishte kandidatura e vetme, madje u votua edhe kur bashkëpartiakët e Gazment Bardhit bojkotuan votimin!
