Talibanët i prenë gishtin pse votoi në vitin 2014, ai sot sërish doli në zgjedhje!

Në vitin 2014, talibanët i prenë gishtin Safiulah Safisë pse votoi, por kjo nuk e ndaloi që të dalë sërish sot të votoi për zgjedhjet presidenciale 2019.

Akti i tij është pritur jashtëzakonisht mirë ndër qytetarët e Afganistanit, pasi në rrjetin social Twitter u shfaq gishti i 38 vjeçarit me bojë, si dëshmi që kishte votuar, si dhe dora e tij e djathtë ku mungonte gishti tregues i prerë nga talibanët në vitin 2014.

Përkundër kërcënimeve nga talibanët dhe vonesave në qendrat e votimit, afganët dolën sot në zgjedhje që pasqyrojnë dhe aftësinë e qeverisë e cila aktualisht ka mbështetjen e Perëndimit për mbrojtjen demokracisë.

Dy kandidatët kryesorë janë presidenti aktual, Ashraf Ghani dhe shefi ekzekutivit, Abdullah Abdullah.

Ndryshe, gjatë zgjedhjeve presidenciale të vitit 2014 talibanët i kanë prerë gishtin të paktën 6 votuesve.

“Ishte një përvojë e dhimbshme, por është vetëm një gisht,” tha Safi duke shtuar:

“Kur është fjala për të ardhmen e fëmijëve dhe vendit tim, nuk dua të pres që të ma presin edhe dorën e tërë,” tha Safiulah Safi duke bërë të ditur se ka votuar sot komplet me familjen.