Tallet me veten dhe BE-në, Lajçak: Serbia ka tërhequr letrën e Brnabiçit për Marrëveshjen e Ohrit!
Ndaj Kosovës vendos masa ndëshkuese për veprimet e saj, ndërsa Serbia arsyetohet përmes të dërguarit të posaçëm të BE për dialogun Kosovë-Serbi, Miroslav Lajçak, si sot në Prishtinë me letrën e Kryeministres serbe Ana Brnabiç, letër e cila edhe pse u tha nga Lajçak se është tërhequr ajo nuk mund të tërhiqet në asnjë mënyrë përderisa aty është kërcënuar Bashkimi Evropian ndërsa është bërë e ditur se Serbia tërhiqet nga Marrëveshja e Ohrit! Nga cila Marrëveshje e Ohrit vetëm një Zot e dinë, kur Presidenti Serb Aleksandar Vuçiç nuk e ka pranuar fare këtë Marrëveshje dhe ka refuzuar ta firmos!
Por, Lajçak, sot në Prishtinë kishte ardhë të tallet me veten dhe BE-në!
“Marrëveshja e Ohrit është ligjërisht obligative në tërësinë e saj dhe jemi duke punuar në implementim. Asnjëra palë nuk është tërhequr nga kjo marrëveshje dhe kemi diskutuar edhe me Kosovën, edhe me Serbinë, si të përshpejtojmë zbatimin. Letra (e ish-kryeministres Ana Bërnabiq) është tërhequr. Ka deklarata këtu, atje që nuk ndihmojnë fare. Por marrëveshja si e tillë është e vlefshme në tërësinë e saj dhe përtej kësaj, marrëveshja tashmë është bërë pjesë e rrugës evropiane të Kosovës dhe Serbisë,” tha Miroslav Lajçak pas takimit me Zv/Kryeministrin Besnik Bislimi, ku edhe për hapjen e Urës mbi lumin Ibër kishte një përgjigje si për arsyetimin e tërheqjes së Serbisë nga Marrëveshja e Ohrit, tallje ekstreme.
“Qëndrimi i Bashkimit Evropian është i mirënjohur por duhet ta përsërisë, që duhet të hapet ura por që hapja duhet të bëhet në bashkëpunim të ngushtë me partnerët ndërkombëtar të Kosovës dhe këtë e diskutuam,” tha I dërguari i posaçëm i BE për dialogun Kosovë-Serbi, Miroslav Lajçak, dhe ndonëse kishte vetëm një lajm nga kjo vizitë aspak normale, se do të ketë edhe një takim në kuadër të dialogut, ai nuk tregoi se kur do të mbahet.
“Jemi marrë vesh për një datë për takim, por nuk dua ta bëj të ditur!”
