Tallje komuniste, pas fitores së tretë Edi Rama sot pyet popullin për vendimet strategjike

Që tallet me shqiptarët, këtë nuk e ka vënë në dyshim askush, por që Kryeministri Edi Rama nuk njeh kufi edhe kur tallet me shqiptarët sot e konfirmoi vetë ndërsa qytetarët e Republikës së Shqipërisë ishin në pritje të emrit të personit që u nxori sheshit të dhënat e tyre konfidenciale, dhe ai i pashqetësuar del me përfundimin e mbledhjes së qeverisë për t’iu thënë shqiptarëve se ka një vendim të posaçëm të qeverisë së tij i cili u miratua sot.

Pasi doli fitues tre herë në zgjedhjet parlamentare, sot Edi Rama thotë se ka marrë vendim për një Këshillim Kombëtar për çështje të rëndësishme që kanë të bëjnë me ekonominë, shoqërinë, marrëdhëniet e Shqipërisë me jashtë etj. i cili do të bëhet përmes një pyetësori i cili do t’u vihet në dispozicion të gjithë shqiptarëve.

“Jam këtu sot pas mbledhjes së qeverisë për një vendim shumë të posaçëm të qeverisë që e ka zanafillën në zotimin për ndërmarrjen e një hapi të rëndësishëm në drejtim të të gjithë shqiptarëve pa dallim, me besimin se ne shqiptarët kemi mundësi të shkojmë shumë më shpejt përpara nëse e dëgjojmë më shumë njeri-tjetrin pa u ndarë në llogoret e vjetra politike që nxisin përçarje, sherr, konfuzion kundër interesit të familjeve shqiptare dhe pikërisht në prag të Vitit të Ri mundësish të reja, vjen dhe kjo nismë e re për këshillimin kombëtar për Shqipërinë,” thotë Edi Rama duke folur thuase është në ditët e tij të para të qeverisjes në vitin 2013 dhe jo sot kur e ka shkatërruar Shqipërinë, dhe pyet popullin si t’ia bëjë:

“Me një pyetësor të cilin do tua vëmë në dispozicion të gjithë shqiptarëve brenda apo jashtë vendit, do t’i japim jetë një kuvendimi popullor ku do të thithim mendimin e tyre mbi çështje me rëndësi strategjike për vendin, për ekonominë, për shoqërinë tonë.”

Dhe, pasi ndau kombin shqiptar në NE dhe ATA ai sot thotë se është koha për t’i lënë pas llogoret e sherrit politik dhe për të menduar për gjërat që na bashkojnë:

“Është koha për t’i lënë pas llogoret e sherrit politik dhe për të menduar për gjërat që na bashkojnë përtej shumë gjërave që na ndajnë, në mënyrë që të hedhim hapa të rëndësishëm përpara duke u këshilluar së bashku për vendime që kanë rëndësi dhe që kanë impakt të drejtpërdrejt në marrëdhëniet e shtëpisë sonë të përbashkët, Shqipërisë me jashtë, në ekonominë e shtëpisë sonë, në gjendjen sociale brenda shtëpisë dhe patjetër edhe në përpjekjen jetike të kësaj shtëpie për të thelluar arritjet dhe adresuar plagët e padrejtësisë në funksion të luftës për drejtësi.”

Pasi tha se ka vendosur ti bashkoi ai sërish bërë atë ndarjen prej idioti kur e projekton një të ardhme të Shqipërisë jo me ata që nuk mendojnë si ai, për të cilët thotë se bëjnë beteja për brava, kërcënime me çelësa, qasje me shkelma dyerve, me kriminelë, akuza e shpifje .

“Formati do t’iu shkojë të gjithëve, do jetë një format disponibël edhe online. Do të jetë një format në letër, për të cilin ne do të bashkëpunojmë me institucionet dhe përmes postës, pa pasur nevojë që njerëzit të paguajnë për të na kthyer mbrapsht opinionin e tyre, por do të jetë e parapaguar. Do jetë një format disponibël dhe në qendrat urbane, në pika të caktuara. Nuk kemi këtu çështje të lidhura me atë që jemi mësuar si standard kur bëjmë votime. Këtu çështja është për të marrë një opinion.

Këtu e rëndësishme është njohja nga të gjithë njerëzit e kësaj nisme, pastaj secili është i lirë të japë opinionin e tij. Përpjekja lidhet me bindjen që ne duhet të bëjmë një kapërcim të rëndësishëm për të ndarë partitë dhe sherret mes tyre, për t’i ndarë llogoret dhe kacafytjet mes tyre, për t’i ndarë tymrat e përditshme nga e ardhmja. Të gjitha këto bëhen në emër të së ardhmes, por vetëm me të ardhmen nuk kanë lidhje. Luftëra për pushtet, beteja për brava, kërcënime me çelësa, qasje me shkelma dyerve, me kriminelë, akuza, shpifje, konfuzion, gjysmë të vërteta këto nuk kanë lidhje me të ardhmen e Shqipërisë,” tha Edi Rama duke harruar se ishin paraardhësit e partisë që drejton të cilët vërtetë nuk bënë beteja me brava por me koka njerëzish dhe ndanë shqiptarët në kulak, të deklasuar etj, dhe në komunistë, hendet i cili u thellua intensivisht në 8 vitet e fundit pa opozitë. Dhe, Rama vazhdon:

“Ne do bëjmë çmos që të unifikojmë shqiptarët me bindjen që ndahemi patjetër në çështje politike, ndahemi në simpatira, ndahemi në votime, por në vendimet e rëndësishme ne duhet të jemi bashkë. Është reagimi i të tjerëve që do të vendosë. Do ta bëjmë çdo vit. Do jetë një institucion i ri në marrëdhëniet tona si qeveri e Shqipërisë me të gjithë qytetarët, socialistë, demokratë, pa parti, me parit, votues, jo votues, të lumtur, të zhgënjyer, vajza, djem, burra, gra, pensionistë, banorë të Shqipërisë, emigrantë,” tha Edi Rama duke e përmbledhu në gjithçka që do në, “Shqipëria që duam!”

“Shqipëria që duam është një histori suksesi. Është një nismë e cila tanimë është e jetësuar dhe me ligjin e ri të bashkëqeverisjes kalon në një nivel tjetër. Këtu nuk kemi të bëjmë me një dështim, por me një sukses, me një inovacion që është në proces dhe baza e një Shqipërie moderne. Brenda kësaj dekade, shteti do jetë në xhepin e qytetarëve. Kjo është një nismë përtej saj, është futja e një shpirti referendar, në mënyrën e marrjes së vendimeve të rëndësishme. Është një shprehje kurajoze e asaj fryme që ka filluar të ndërtohet me bashkëqeverisjen!”