Tani është koha, Basha: Për Shqipërinë e të gjithë shqiptarëve!
Pas Protestës së 8 Kombëtare, sot që ndryshoi realiteti shqiptar me ndihmën e protestave opozitare dhe data e zgjedhjeve të 30 Qershorit u anulua, Kryetari i Partisë Demokratike, Lulzim Basha, shprehet se ora e Shqipërisë si e gjithë Europa po troket dhe nuk ka forcë ta ndalë!
“Boll më me Shqipërinë që duan ata, tani është koha për Shqipërinë e të gjithë shqiptarëve! Ora e Shqipërisë si e gjithë Europa po troket dhe nuk ka forcë ta ndalë! Falë vendosmërisë tuaj të pathyeshme, falë bashkimit të zemrave dhe mendjeve të shqiptarëve të lirë, zgjedhjet farsë të 30 Qershorit u anuluan,” thekson Lulzim Basha përmes një mesazhi në rrjetin social Facebook duke e bërë të qartë:
“Beteja jonë do të vazhdojë deri në triumfin e standarteve dhe vlerave europiane. Pengesa e vetme për në Europë është sundimi i shtetit të bërë njësh me krimin, është qeveria e ardhur me votën e krimit, është kryeministri i Avdylajve,” ndërsa përfundon:
Largimi i Ramës është i panegociueshëm!
Ja postimi i plotë:
Boll më me Shqipërinë që duan ata, tani është koha për Shqipërinë e të gjithë shqiptarëve!
Ora e Shqipërisë si e gjithë Europa po troket dhe nuk ka forcë ta ndalë! Falë vendosmërisë tuaj të pathyeshme, falë bashkimit të zemrave dhe mendjeve të shqiptarëve të lirë, zgjedhjet farsë të 30 Qershorit u anulluan!
Beteja jonë do të vazhdojë deri në triumfin e standarteve dhe vlerave europiane. Pengesa e vetme për në Europë është sundimi i shtetit të bërë njësh me krimin, është qeveria e ardhur me votën e krimit, është kryeministri i Avdylajve. Largimi i Ramës është i panegociueshëm. #ShqipëriaSiEuropa
