Tatimet: Elementet që përfshihen në vlerën e tatueshm

Tatimet kanë publikuar në një material informues, elementet që përfshihen në vlerën e tatueshme.

Bazuar në dispozitat ligjore në fuqi të Ligjit Nr. 92/2014, datë 24.07.2014 “Për tatimin mbi vlerën e shtuar në Republikën e Shqipërisë”, i ndryshuar, vlera e tatueshme e një furnizimi përbëhet nga çmimi i mallit apo i shërbimit dhe elemente të ndryshme që lidhen me të. Në vlerën e tatueshme të një furnizimi përfshihen elementet e mëposhtme:

• tatimet, taksat, detyrimet, tarifat dhe pagesa të ngjashme, që lidhen me furnizimin, me përjashtim të TVSH-se, si edhe;
• shpenzimet dytësore, të tilla si shpenzimet komisionere, të ambalazhimit, të transportit dhe të sigurimit që furnizuesi ia ngarkon blerësit ose klientit për furnizimin.

Kujdes!

Shpenzimet dytësore nuk përfshihen në vlerën e tatueshme të një furnizimi, nëse ato sipas rastit i faturohen veçmas klientit, (p.sh. transporti faturohet si furnizim më vete  dhe veçohet nga shitja e mallit,) ose nëse kryhen vetë nga klienti dhe shpenzimet përballohen vetë prej tij.

Vlera e tatueshme e ambalazheve

Ambalazhet mund të jenë të kthyeshme dhe të pakthyeshme. Në funksion të këtij dallimi ndryshon edhe mënyra e aplikimit të TVSH-së. Trajtimi përsa i përket vlerës së tatueshme bëhet si më poshtë:

• Vlera e ambalazheve të pakthyeshme përfshihet në vlerën e tatueshme të furnizimit;
• Vlera e ambalazheve të kthyeshme nuk përfshihet në vlerën e tatueshme të furnizimit, përveç kur ambalazhet e kthyeshme nuk janë kthyer nga blerësi.

Ambalazhet e kthyeshme 

Ambalazhet qarkulluese (të kthyeshme) janë ambalazhe të tipit: kontenierë, qelqe, arka, bombola apo depozita gazi të lëngshëm dhe të tjera të kësaj natyre.

Ambalazhet qarkulluese si rregull furnizohen së bashku dhe në të njëjtën kohë, me mallrat që ato përmbajnë. Këto lloj ambalazhesh i jepen blerësit (klientit) nga shitësi (furnitori), së bashku me mallin në to; ato ruhen përkohësisht nga blerësi dhe më pas kthehen nga ky i  fundit përsëri në drejtim të shitësit. Vlera e ambalazheve që i jepen blerësit nga shitësi, nuk përfshihen në vlerën e tatueshme të mallrave që ato shoqërojnë gjatë furnizimit.

Për mosllogaritjen e TVSH-së mbi vlerën e ambalazheve qarkulluese duhen plotësuar dy kushtet e mëposhtme:

– Vlera e tyre të mos jetë përfshirë në vlerën e faturës nga shitësi.

– Të ekzistojë një kontratë e lidhur midis palëve për dhënien dhe kthimin e ambalazheve.

Ambalazhet që blerësi nuk i kthen tek shitësi konsiderohen sikur të ishin shitur dhe i nënshtrohen TVSH-së mbi vlerën e tyre.

Ambalazhet e pakthyeshme

Janë ambalazhe të natyrës si: kartonë, shishe plastike, qese plastike, etj.

Vlera e këtyre ambalazheve është element i vlerës së tatueshme të mallrave që ato përmbajnë. Blerja e ambalazheve nga shitësi, i jep atij të drejtën e zbritjes së TVSH-së sipas rregullave të parashikuara në kapitullin X të Ligjit. Mbi vlerën e tatueshme të mallrave që përfshin edhe vlerën e ambalazheve, zbatohet TVSH në shitje.

Furnizime shërbimi të ndryshme, të kryera në funksion të realizimit të shitjeve ose blerjeve që kryen pas furnizimit 

Bëhen pjesë e vlerës së tatueshme të një furnizimi dhe janë të tatueshme me TVSH, pagesat që i jepen ose përfitohen prej ri-shitësit, në formën e uljes së çmimit, apo që i paguhen periodikisht atij në funksion të shitjeve, ose pjesë-pjesë gjatë zbatimit nga ana e ri-shitësit të detyrimeve që rrjedhin nga kontrata e shitjes, ose edhe në formën e klauzolës së garancisë.

Në zbatim të kushteve të kontratave, disa prodhues ose tregtarë të ndryshëm u sigurojnë (japin) personave, të cilëve u japin ekskluzivitetin apo të drejtën të tregtojnë produkte të markës së tyre (rishitës të mallrave të markës së tyre), një pagesë të veçantë për shërbimet që kanë të bëjnë me realizimin e shitjeve të mallrave, ose kur kanë rënë dakord sipas kushteve të kontratës midis tyre, në kuadrin e shërbimeve që duhet t’u kryejnë klientëve, në zbatim të klauzolës së garancisë