“Tatimet Këshillojnë”/ Ja si duhet të deklaroni, afatet dhe paraqitja e deklaratave

Në rubrikën Tatimet Këshillojnë u publikua informacioni në lidhje me mënyrat e deklarimit, afatet dhe paraqitja e deklaratave tatimore.

Për detyrimet tatimore përfshirë dhe kontributet e sigurimeve shoqërore e shëndetësore që sipas ligjeve të veçanta tatimore, vetëvlerësohen dhe vetëdeklarohen, personat e tatueshëm, deklarojnë dhe paguajnë këto detyrime.

Periudhat tatimore përcaktohen sipas llojit të detyrimeve tatimore dhe sipas kategorive të personave të tatueshëm. Këto kategori paraqiten si më poshtë:

• Për subjektet e Tatimit mbi Vlerën e Shtuar dhe të Tatim Fitimit, periudhat tatimore janë mujore për TVSH-në, Tatimin mbi të Ardhurat Personale nga punësimi, për Akcizën, për Lojërat e Fatit dhe për Kontributet e Sigurimeve Shoqërore e Shëndetësore, si dhe vjetore për Tatim Fitimin.
• Për subjektet e Tatim Fitimit të biznesit të vogël, periudhat tatimore për llogaritjen, deklarimin dhe pagesat e tatimit përcaktohen sipas ligjit “Për sistemin e taksave vendore”, si dhe janë periudha tremujore për llogaritjen, deklarimin dhe pagesën e kontributeve të sigurimeve shoqërore dhe shëndetësore dhe tatimin mbi të ardhurat nga punësimi. Ndërprerja e deklarimit bëhet vetëm pasi tatimpaguesit të kenë marrë konfirmimin nga QKB-ja për çregjistrimin e tyre nga regjistri tregtar ose konfirmimin nga Administrata Tatimore se kanë kaluar në regjistrin pasiv të personave të tatueshëm. Ndërprerja e detyrimit për deklarim, hyn në fuqi sipas rastit, në muajin, tremujorin apo vitin e parë pas datës së çregjistrimit ose pas kalimit në regjistrin pasiv. Administrata Tatimore i ofron tatimpaguesve, pa pagesë formularët e deklarimit në mënyrat e mëposhtme:
• Personat e tatueshëm mund të deklarojnë dhe/ose paguajnë në mënyrë elektronike detyrimet tatimore, nëpërmjet faqes zyrtare të internetit të DPT ëëë.tatime.gov.al, po ashtu mund të shkarkojnë dhe printojnë këto deklarata.
• Duke i vënë deklaratat tatimore në dispozicion të personave të tatueshëm nëpërmjet sporteleve të zyrave të shërbimit për personat e tatueshëm.
• Nëpërmjet dërgimit në adresën e personit nga shërbimi postar rekomande, pas kërkesës me shkrim të tatimpaguesit për përdorimin e kësaj mënyre ku personi merr përsipër përgjegjësinë e mbërritjes në kohë dhe në adresën e duhur të deklaratave tatimore. 2 Dorëzimi i deklaratës tatimore Formulari i deklarimit plotësohet në dy kopje, njëra nga të cilat është për Administratën Tatimore dhe tjetra për vetë personin e tatueshëm.

Personat e tatueshëm mund ta paraqesin deklaratën tatimore në Administratën

Tatimore nëpërmjet:

• Shërbimit postar ku deklarata konsiderohet se është marrë nga Administrata Tatimore ditën e shtatë pas datës së dërgimit
• Dorëzimit në çdo bankë apo institucion tjetër finance. Deklarata konsiderohet e paraqitur datën kur ajo ka mbërritur në bankë dhe kjo e fundit ka vendosur vulën datore në të dy kopjet e deklaratës.
• Deklarimit elektronik në sistemin e deklarimit elektronik të tatimeve nëpërmjet internetit përmes faqes së internetit të DPT: www.tatime.gov.al.

Në rastet kur afati i fundit për dorëzimin e deklaratës bie në ditë pushimi, atëherë si ditë e fundit e afatit llogaritet dita e parë e punës, pas ditës së pushimit. Tatimpaguesi ose përfaqësuesi i tij nënshkruajnë deklaratën tatimore, shënojnë numrat e tyre të identifikimit tatimor dhe konfirmojnë, në përgjegjësinë e tyre, se deklarata është e plotë dhe e saktë, përveç deklaratave të dërguara dhe paguara në mënyrë elektronike të cilat pranohen pa nënshkrimin formal të tatimpaguesit.

Kujdes!

Deklaratat tatimore të çdo tatimi dhe kontributi dorëzohen edhe nëse për periudhën tatimore nuk ka detyrim tatimor për të paguar pasi detyrimi mund të jetë zero ose tatimpaguesi nuk ka kryer aktivitet gjatë asaj periudhë tatimore.

Plotësimi i saktë i deklaratës, paraqitja dhe pagesa brenda afateve kohore të përcaktuara është detyrim ligjor për të gjithë personat e tatueshëm. Moszbatimi i detyrimit për plotësim të saktë të deklaratës dënohet në bazë të ligjit Nr.9920 datë 19.05.2008 “Për procedurat tatimore në RSH”, i ndryshuar. Ndryshimi i deklaratës tatimore Nëse tatimpaguesi konstaton vetë se ka plotësuar në mënyrë të pasaktë deklaratat tatimore ose ka bërë një apo disa gabime, i lind e drejta t’i ndryshojë ato. 3 Në të gjithë këto raste, bazuar në ligjin nr.9920 datë 19.05.2008 “Për procedurat tatimore në RSH”, i ndryshuar, personi i tatueshëm mund të plotësojë një deklaratë të re tatimore, e cila do të ndryshojë dhe zëvendësojë deklaratën e parë.

Këtë të drejtë për ndryshimin e deklaratave tatimore, tatimpaguesi e ka vetëm brenda 36 muajve nga afati i dorëzimit të deklaratës fillestare me kushtin që, një deklaratë e caktuar për periudhat tatimore mujore, tre-mujore apo vjetore mund të korrigjohet vetëm një herë dhe kjo deklaratë të mos jetë kontrolluar më parë nga Administrata Tatimore.

Përjashtimi nga ky kusht bëhet vetëm kur tatimpaguesi ka për të deklaruar një detyrim tatimor më të madh se detyrimi që ka rezultuar nga kontrolli.

Kujdes!

Pas ndryshimit të deklaratës tatimore, tatimpaguesit sipas rastit, i llogariten detyrimet tatimore shtesë dhe kamatëvonesat që lidhen me këtë detyrim tatimor shtesë, për periudhën nga afati i fundit i paraqitjes së deklaratës fillestare dhe kryerjes së pagesës deri në datën e paraqitjes së deklaratës së re të ndryshuar dhe pagesës shtesë. Gjithashtu, tatimpaguesi mund të kërkojë kreditimin e detyrimit tatimor të paguar më tepër, si dhe të interesave që ai duhet të përfitojë lidhur me këtë pagesë të tepërt, për të gjithë periudhën nga afati i fundit i paraqitjes së deklaratës fillestare dhe pagesës deri në datën e paraqitjes së deklaratës së re të ndryshuar.