Tatuazhi i shqiptarit zbulon grupin kriminal të drogës. Ja emri…

Katër kilogram drogë, tre të arrestuar, dy të denoncuar dhe 11 në kërkim.

Ky ishte bilanci i aksionit policor “Rosa dei venti” i cili u realizua dje nga policia italiane në Macerata, e cila sekuestroi 4 kg drogë, mes tyre hashash, marijuanë, dhe kokainë nga 30 persona sa kishte nën vëzhgim.

Operacioni “Rosa dei venti”, kishte nisur nga tatuazhet që kishte në dorë dhe qafë shqiptari Dranoel Ndoja, i cili thuhet se është i dyshuari kryesor i grupit, raporton Agjencia italiane e lajmeve, Ansa.

Hetimet për këtë grup kriminal nisën në vitin 2017, duke përdorur përgjimet telefonike dhe monitorim me sistemin GPS. Përveç Ndojës u arrestuan edhe dy shtetas të tjerë, Carlo Raimondi dhe Michal Radejovsky.