Taulanti jep leksione gazetarie: Përveçse harxhoni kohën duke na marrë në pyetje ne, bëni verifikim…
Pas mbledhjes së Grupit Parlamentar të PS, Kryetari Taluant Blla i dha leksione gazetarëve që po prisnin përfundimin e mbledhjes së këtij Grupi, pasi u pyet nëse është diskutuar për ndryshimet në qeveri dhe rolin e deputetëve që do të verifikojnë çmimet në terren.
“Ju në fillim i lëshoni vetë këto lajme dhe mundoheni t’i verifikoni në mbledhjet e grupit parlamentar. Kjo s’ka qenë pjesë e diskutimit,” tha Balla për ndryshimet në qeveri ndërsa nuk u përmbajt kur u pyet për rolin e tatimorëve që u është ngarkuar deputetëve:
“Unë kam qenë vetë për të bërë edhe detyrën e shtëpisë, për të bërë blerjen e shportës për familjen time. Po ju them që është diçka që e bën çdo deputet i përgjegjshëm në çdo parlament që njoh unë. Në kushtet e një lufte, abuzuesit mund të jenë të shumë dhe që nuk respektojnë diçka që është rënë dakord, për të pasur në raftet e supermarketeve të vendit, një ofertë me atë çmim të gjithëpranuar nga të gjithë tregtarët.
Përveçse të harxhoni kohën duke na marrë në pyetje ne, bëni një verifikim, që në një raft të supermarketit të ketë 1 kg sheqer te 99 lekëshi, të ketë 1 kg miell tek te 80 lekëshi dhe të ketë një litër vaj te 300 lekëshi në kushtet e kësaj lufte që ka goditur globin. Koha kur Shqipëria ishte e mbyllur ka marrë fund njëherë e përgjithmonë. Lufta zhvillohet në Ukrainë, por impakti dhe efektet e saj janë shtrirë kudo. Edhe deputetët, natyrshëm, nuk mund të rrinë duarkryq dhe të mos i bashkohen një nisme që nuk e mbështet që qeveria po merr masat e duhura për të kontrolluar format e abuzimit. Në këtë kohë lufte, ata duhet të fitojnë më pak ose aspak. Ata që e kanë të vështirë duhen ndihmuar,” tha Kryetari i Grupit Parlamentar të PD duke vazhduar me gjuhën e shefit të tij me luftëra dhe kijamete:
“Merrni kë të doni, krahasoni paketat. Opozita erdhi me një paketë, të quajtur rezistence më të vogël se sa paketa që ka vendosur qeveria. Ne kemi fatin të kemi qeveri të përgjegjshme që ka marrë masat e duhura. Merrni faturat dhe shihni, se 80% e faturat e dritës i paguan qeveria. Ata që dalin e bërtasin e thonë hiqni TVSH? E kujt. Opozita thotë të hiqet TVSH për ushqimet.”
Dhe, në mungesë qoftë edhe të një argumenti Taulant Balla iu rikthye lojës me Presidentin:
“Çdo deputet i PS gjatë gjithë fundjavës duhet të jetë prezent në territor për të marrë vendime që lidhen me angazhimin e deputetëve. Më 31 mars është seanca e radhës e Kuvendit, për çështjet në rend dite kemi diskutuar. Kemi diskutuar në mbledhjen e grupit parlamentar se po afron drita ku Kuvendi duhet të ketë kalendar që çon në zgjedhjen e presidentit. Siç e thotë Kushtetua jo më vonë se 24 maji duhet të vijojë procesi për zgjedhjen e presidentit. Në këtë kontekst, PS që ka udhëheqësin e këtij procesi për shkak se është shumica, do të zhvillojë një proces.
Ky proces duhet të jetë i hapur konsultimesh, natyrshëm brenda suazës së Kuvendit të Shqipërisë. Bashkë me mua do të jetë kolegia Spiropali dhe Gjiknuri, të mandatuar nga grupi parlamentar për të diskutuar me grupet e tjera parlamentare, për të instucionalizuar një dialog konstruktiv për zgjedhjen e presidentit. Po ashtu këto konsultime prej sot kanë filluar dhe brenda grupit tonë parlamentar. Deputetëve u është kërkuar të vijnë me propozime konkrete, që të kemi gati ato që mund të jenë kandidatura të mundshme për t’u mbështetur më pas me firmat,” tha Taulant Balla dhe ndryshe nga procesi i shkarkimit ai tashmë siguroi ndjekësit e tyre socialist se Shqipëria në vitin 2022 do të ketë një president të zgjedhur, madje i dha të drejtës vetes që të fantazoi se ky lloj presidenti do jetë edhe mbi palët ndonëse Edi Rama ka deklaruar se nuk ka se me kë të negocioj kur PD nuk ka kryetar.
“Këtu po flas në cilësinë time si kryetar i grupit të PS, Shqipëria sot më shumë se kurrë ka nevojë për një president normal. Natyrshëm që s’kemi pasur një profesionist mbi palët, por një palë mes palëve. Ishte mes palëve, të palëve të opozitës. Ajo që na duhet ne është që Shqipëria të zgjedhë një president që të jetë diametralisht i kundërt me atë që ka përfaqësuar Ilir Meta. Shpresoj që Shqipëria të ketë një president/presidente shumë më të mirë dhe të pakrahasueshëm se ai që kemi,” tha Kryetari i Grupit Parlamentar të PS duke sqaruar se kush ishte ai që Partia Socialiste e njihte si Kryetar të PD:
“Në Kuvendin e Shqipërisë nuk ka një grup që quhet grupi i Rithemelimit. Isha i kujdesshëm në atë që thashë. Grupet parlamentare janë ato që ju dini. Se çfarë ndodh brenda grupeve parlamentare, e dinë vetë ata. Rruga evropianë e Shqipërisë, kriteret e Kopenhagen kanë përcaktuar se kanë nevoje për dialog. PS në rrugën e vetë ka qenë e vetmja parti që ka kontribuar në vendosjen e standardeve.
PS po vendos standarde në mënyrën e konsultimit. Konsultimi për aq sa kohë presidenti zgjidhet nga parlamenti, konsultimet ndodhin në parlament. U zhvillua mbledhja e grupit parlamentar, me prezencë të Ramës. Ajo që dua të them është se ne jemi sot në kohën e duhur, për të iniciuar edhe në aspektin e kalendarit të Kuvendit, një proces që do e quaja të rëndësishëm. Procesi i zgjedhjes së presidentit është i pastër. Për të mos qenë një proces kulisas, të gjithë janë të mirëseardhur. Grupi që ka marrë këtë detyrë do të përfaqësojë këtë proces, që të arrijmë një proces të saktë dhe rigoroz.”.
