Taulanti publikoi vendimin e 3 Marsit, Berisha: Të betohem, ti dhe Edi Rama do jeni përgjegjës!

Degradimi që Kryeministri Edi Rama i bëri Parlamentit të Shqipërisë, sot arriti kulmin me Taulant Ballën i cili nga foltorja e parlamentit publikoi lajmin që do të marrë Gjykata e Apelit më 3 Mars ndonëse e kishte gënjyer veten se Partia Socialiste ka fatin e Partisë Demokratike në dorë! Po, një gjyqtare që i kanë dhuruar vettingun edhe mund ta kenë në dorë, por Kryetari i Partisë Demokratike, Sali Berisha, i bëri të qartë nga protesta opozitare se meqenëse Taulant Balla ishte i pari që njoftoi vendimin, duke iu betuar se ai dhe Edi Rama do bëhen përgjegjës personal për çdo akt armiqësor ndaj PD-së dhe opozitës shqiptare.

E sa për forcën që e ka gënjyer vetja që e ka, Sali Berisha e qartësoi se kudo që të fshihet, në çdo vrimë miu, do ta kapin dhe do ta çojnë te Gentian Sharra, e aty ku ai është Kryetar i Grupit Parlamentar, në Parlament, lideri i opozitës u betua se për tre minuta do jenë brenda, prandaj më mirë e kanë të ikin.

“Ju falënderoj nga zemra për praninë tuaj sot këtu në këtë protestë të fuqishme, në mbrojtje të vlerave dhe interesave më themelore të qytetarëve shqiptarë.

Në këtë protestë të fuqishme para parlamentit të pushtuar nga krim-ministri Edi Rama dhe banda e tij kriminale.

Në këtë protestë, në të cilën ju mbështesni jo vetëm deputetët tanë, me qëndrimin e tyre të shkëlqyer në mbrojtje të interesave tuaja dhe të shqiptarëve në parlament, por mbështesni dhe jeni zëri i vërtetë i ccdo shqiptari, kudo që ndodhet ai, por që konsideron Edi Ramën, ministrat e tij, si armiqtë e egër të qenies tonë, të demokracisë sonë, të miqve tanë.

Për të gjithë qytetarët e këtij vendi që ndjekin zhvillimet në seancën e parlamentit, apo këtë protestë, duhet t’i qartësoj se kjo është një betejë për mbrojtjen e Kushtetutës, e cila shkelmohet nga banditët, nga porositës të vrasjeve, nga padronë të klaneve të drogës, krimit.

Kjo Kushtetutë, në nenin e saj 70 i garanton deputetit me mbledhjen e 28 firmave, krijimin automatik të komisionit hetimor për problemet që këta 28 burra dhe gra, të votuar nga zgjedhësit shqiptarë, gjykojnë se duhet të hetojnë.

Kurse trafikantë dhe kukulla pa dinjitet njerëzor të Edi Ramës, bllokojnë këtë të drejtë të deputetëve të opozitës,” tha Sali Berisha para protestuesve duke shtuar se Edi Rama është lideri i vetëm në kontinent i cili kontraktoi si vrasës me pagesë, kryezbuluesin e SHBA, për të asgjësuar opozitën.

“Edi Rama realizoi 137 udhëtime me avion në dispozicion, kurse fëmijët tuaj largohen dhe vetëm largohen nga ky vend.

Këta na mohojnë ne të drejtën kushtetuese të komisioneve hetimore, sepse aty do të dalin lakuriq siç janë, më të të zinj se zifti, në aferat e tyre.

A mund të pranojmë ne, a mund të pranoni ju, a mund të pranojnë qytetarët shqiptarë, mohimin e kësaj të drejte themelore? Jo, kurrë!

Prandaj ne do bëjmë gjithçka për sanksionimin e saj.

Ju jeni këtu në protestë dhe çdo shqiptar ju mbështet me shpirt e zemër, të gjithë ata që duan që vendi të ketë një opozitë të vërtetë.

Dhe që e panë se me aferën McGonigal, Edi Rama, lideri i vetëm në kontinent, kontraktoi si vrasës me pagesë, kryezbuluesin e SHBA, për të asgjësuar, për të përdorur fuqinë e institucionit të tij në asgjësimin e opozitës, de facto të demokracisë shqiptare. Kurrë nuk ka ekzistuar demokraci pa opozitë.”

Me këtë rast, Berisha foli për çarterin e Edi Ramës i cili është përdorur për fluturime për t’u bërë presion ministrave të tij, që të firmosin dokumentet për djegësat

“Ju po protestoni kundër një hajduti që po mjeron çdo ditë shqiptarët, protestoni kundër një njeriu, i cili vazhdon të vjedhë ditën dhe natën me aferën e djegësave.

A e dini ju se djegësat, 420 milionë, kanë vetëm një njeri kryesor dhe ky është Edi Rama.

A e dini ju se çarteri i tij është përdorur për fluturime për t’u bërë presion ministrave të tij, që të firmosin dokumentet për djegësat?

A e dini ju se me Erion Veliajn, vjedhin në çdo ton mbetje që derdhet në Sharrë, 18 euro nga mundi dhe djersa juaj?

A e dini ju se ky zotëri, shtrohet në darka 10 mijë dollarë me McGonigal, ministrja e tij këput 1 mijë euro biftekun?

A e dini se këto tregojnë urrejtjen e madhe që kanë janë ndaj jush?”

Ndërsa foli për qeverinë, lideri i opozitës foli për një bandë që fsheh vrasës.

“Edi Rama, i verbuar nga pushteti shkon deri aty sa blen vazo druri për 4 milionë euro, çka nuk e bën kush në Europë përveç sulltanëve në Arabi?

Zoti Meta foli këtu për rroga dhe pensione. Në vitin 2013, shqiptarët kishin rrogat dhe pensionet më të mëdha në rajon. Sot janë 40 deri 50 përqind më të ulëta në Kosoovë.

A e dini ju se këta janë një bandë që strehojnë vrasës? Ku fshihen vrasësit e kenianes? Në qeveri, në qeveri, në qeveri.

Shikojeni pak atë kriminelin Taulant Balla, e kam denoncuar dhe e denoncoj sërish, vendi i tij është në burg si trafikant femrash.

Prandaj ata fshehin Xhoin. Ai është denoncuar nga diplomatët shqiptarë se ka nxjerrë viza për prostituta moldave që t’i sillte në Shqipëri.

Fatos Nano, në vend që ta çonte në prokurori, e bëri këshilltar.

Ai është denoncuar nga delinkuentë se ka porositur vrasje. Ky është eksponenti parlamentar kryesor i mazhorancës,” tha Berisha duke shtuar se korruptimi i Mcgonigal nga Rama shkon për llogari të Putinit, Vuçiçit dhe Lukashenkos.

“Rasti McGonigal nxori fytyrën e vërtetë antiamerikane, antiperëndimore, fytyrën e vërtetë të etërve të Edi Ramës.

A mundet një shqiptar, që i thotë vetes i tillë, t’i rekrutojë SHBA-së me korrupsion, kryezbuluesin e saj.
Kjo shkon për llogari të Putinit, Vuçiçit dhe Lukashenkos dhe kurrë për interes të shqiptarëve, të NATO-s dhe SHBA.

A ka akt më madhor më antiamerikan, se akti i Edi Ramës pas ndërprerjes së marrëdhënieve me SHBA nga Enver Hoxha? Jo dhe jo. Ky është akti më armiqësor.

Ata vasalë mbrojnë Edi Ramën dhe nuk lejojnë komisionin hetimor për aferën Rama-McGonigal.
Koha e provoi se antiamerikani më i madh pas Enver Hoxhës është Edvin Kristaq Xhelati, Edvin Kristaq Hajduti, krim-kryeministri i Shqipërisë dhe Europës.

Kjo është një betejë epike që zhvillojmë ne.

Ne do mbrojmë interesat e shqiptarëve, të miqve dhe partnerëve tanë.

Ne do denoncojmë me forcën më të madhe qëndrimet antishqiptare dhe antiperëndimore të krim-kryeministrit të Shqipërisë,” tha kryedemokrati duke u shprehur qartë se këtë betejë e bëjnë për veten e tyre, për miqtë dhe për njerëzit e lirë.

“Midis korruptimit dhe rekrutimit të kryezbuluesit të SHBA, shndërrimit të tij një mjeran në duart e mafiozëve Rama-Duçka-Neza, kërkesa e Edi Ramës për të mos kërkuar nga Vuçiç respektimin e sanksioneve të BE ndaj Rusisë, që Serbia të pranohet si prapavijë e Rusisë, deklaratave të tij ndaj perëndimorëve se zëvendësuat mallin e pistë rus nga mall të pistë nga vendet e tjera, a nuk shihni këtu një interes të kristaltë të Putinit, Vuçiçit, Lukashenkos?

Këtë betejë e bëjmë për veten tonë, për miqtë tanë, për njerëzit e lirë sepse sot po zhvillohet në Ukrainë një betejë mes popullit heroik dhe barbarisë ruse.

Por Ukraina do fitojë, ajo ka mbështetjen e fuqishme të SHBA dhe vendeve aleate të NATO-s.

Putin, Vuçic, Edi Rama, do përfundojnë së bashku në koshin e plehrave të historisë.

I them në emër tuaj, guvernatores, atë barin, të cilin në emrin tuaj i thashë kërko falje, ose mbaje për vete, çoja Edi Ramës, Dorian Duçkës, ose ndaje bashkë me ta.

Ne këtu jemi, nga bindjet tona nuk lëkundemi.

Ne besojmë se vetëm shqiptarët e lirë do jenë partnerë të vërtetë të aleatëve tanë.

Çdo ditë që kalon fakton se Soros po shkatërron drejtësinë shqiptare. Për herë të parë në Gjykatë Kushtetuese emërohet një njeri që nuk ka futur këmbën në një sallë gjyqi.

Por ashtu siç thotë Edi Rama që është krenar që nuk ka lexuar ndonjëherë Kushtetutën, edhe ajo ndjehet krenare.

A mund të imagjinoni ju një poshtërim që i bëhet një vendi?

A kemi të bëjmë me një gjykatë, apo me një NGO në duart e Edi Ramës.

Ju e shikoni SPAK-un e partisë, që e ka për borxh të hapë çdo javë një çështje kundër opozitës, por SKAP-i i partisë nuk hap çështje për ryshfetin që Dorian Duçka përmes Agron Nezës, i dha McGonigalit.

Edi Rama ka kryer krim, por ka SKAP-in e partisë si mburojë.”

Në fund, pasi Tulanta Balla e bëri të qartë se vendimit gjyqësor i 3 Marsit nuk do të jetë në favor të Rithemelimit, Kryetari i Partisë Demokratike i bëri të qartë atij dhe Edi Ramës se do mbajnë përgjegjësi personale.

“Sot Taulant Balla njoftoi vendimin që do japë gjykata me datë 3 mars, unë i them meqenëse ti je i pari që njoftove vendimin, të betohem para këtyre burrave, se ti dhe Edi Rama do bëheni përgjegjës personal për çdo akt armiqësor ndaj PD-së dhe opozitës shqiptare.

Kudo që të fshihesh, në çdo vrimë miu, do të kapim dhe do të çojmë te Gentian Sharra.

Për këtë Edi Rama dhe ti do jeni përgjegjës personalë.

Për tre minuta, jemi brenda në parlament. Prandaj ikni.

Po vendosëm, jemi në sallë! Po vendosëm, jemi në sallë, asgjë nuk na pengon!” ishte i prerë Kryetari i Partisë Demokratike, Sali Berisha, duke përfunduar:

“3 marsi është dita e madhe, 3 marsi është ditë fitoreje për revolucionin.

3 marsi është dita e çdo shqiptari, është dita në të cilën bëjmë betejën për të sotmen dhe të ardhmen tonë.

Edhe njëherë ju përshëndes shumë përzemërsisht, ta vazhdojmë betejën tonë.

Në çdo rast, marshi drejt Surrelit, do jetë marshi ynë.”