Presidenti i SHBA, Donald Trump, ka akuzuar sot miliarderin shkatërrimtar të demokracive perëndimore, George Soros, dhe, djalin e tij, Alexander Soros, për mbështetjen e protestave të dhunshme ndërsa u zotua se nuk do të lejojë këta psikopatë ta shkatërrojnë Amerikën.
“George Soros dhe djali i tij i të majtës radikale duhet të akuzohen sipas ligjit RICO për mbështetjen e protestave të dhunshme dhe shumë veprimeve të tjera anembanë Shteteve të Bashkuara ,” tha Donald Trump përmes rrjetit social Truth duke i quajtur psikopatë Sorosin dhe ekipin e tij për të cilët kishte një paralajmërim.
“Ne nuk do t’i lejojmë më këta të çmendur ta shkatërrojnë Amerikën, duke mos i dhënë kurrë as edhe një shans për të marrë frymë dhe për të qenë të lirë. Soros dhe grupi i tij i psikopatëve i kanë shkaktuar dëme të mëdha vendit tonë! Kjo përfshin edhe miqtë e tij të çmendur të Bregut Perëndimor,” tha Presidenti i Shteteteve të Bashkuara duke përfunduar:
“Kini kujdes, po ju vëzhgojmë!”
Ndryshe, George Soros aktualisht 95 vjeç, është akuzuar nga shumë demokraci perëndimore dhe jo vetëm, për shkatërrimin e sistemit politiko-shoqëror, në veçanti përmes Fondacioneve të Shoqërisë së Hapur.
Nga viti 2023, ajo që George Soros e quan filantropi e familjes Soros, drejtohet nga djali i tij, Alexander Soros. Alex Soros ashtu si i ati, në Ballkanin Perëndimor ishte protagonist i iniciativave më të pista në dëm të shqiptarëve, duke filluar nga Ballkani i Hapur deri te ndarja e Kosovës!