“Të dënuarit politik”/ Ligji për tallje i llumit opozitar, Balla: Jo juve por opozitës jashtë parlamentit!
Edhe pse në Komisionet përkatëse parlamentare Projektligji “Për disa ndryshime dhe shtesa në ligjin nr. 9831, datë 12.11.2007, “Për
dëmshpërblimin e ish të dënuarve politikë të regjimit komunist”, të ndryshuar”” u trajtua më shumë si problem financiar se sa njerëzor, Projektligji përfundoi në seancë plenare ashtu siç e kishte menduar partia kriminale që qeverisë me ndihmën e llumit opozitar që ka bërë propozimin, duke e degjeneruar këtë shtresë shoqërore edhe pas 50 vjet keqtrajtimi dhe vrasjeje në birucat e Enverit.
Sot, madje, kryetari i Grupit Parlamentar të Partisë Socialiste, Taulant Balla, shkoi edhe një hap para, duke degjeneruar dhe llumin opozitar i cili filloi të bëhet sikur është i shqetësuar për të përndjekurit politik të regjimit komunist ndërkohë qeverisin me këta fundit. Pas disa fjalëve retorike të llumit opozitar, Balla tha se fjalë për fjalë ngjanin me fjalime të kolegëve të tyre që i kanë sjellë në Parlament ndërsa ju bëri një qokë duke mos u thënë JO këtyre që e porpozuan por opozitës jashtëparlamentare:
“Sa herë diskutohet në Kuvend një akt ligjor që ka të bëjë me trajtimin e ish-të përndjekurve politikë, diskutimet patetike në ktë sallë dhe qarje halli real të të përndjekurve, nga njerëz që nuk kanë bërë kurrë për ta. Skam asgjë me deputetët e opozitës, edhe pse fjalë për fjalë ngjanin me fjalime të kolegëve të tyre që i kanë sjellë në Parlament. E vërteta është si drita e diellit, që kjo mazhorancë pas 2013-ës, është e vetmja që realisht e ka adresuar financiarisht dëmshpërblimin e merituar të atyre që kanë qenë të përndjekur. Të gjithë e dimë se ka nga ata që dhe pse kanë qenë të dënuar për vepra të tjera penale, duan të marrin dëmshpërblim. Me ndryshimet ligjore të vitit 2014, i kemi dhënë prioritet likuidimit të kategorisë parësore, pra ata që e kanë vuajtur vet. Ky vendim solli edhe likuidimin e të gjithë shumës. Gjatë këtyre 6 viteve janë paguar 39 mijë e 162 subjekteve përfituese me 110 mln dollarë. Nga të cilat janë çelur 11 këste për përfituesit e kategorisë parësore. Kjo nuk është bërë për arsye fushatash. Nëse doni, t’ju them jo juve, por atyre të opozitës jashtëparlamentare personalisht, Sali Berishës që është tallur me të përndjekurit. Kjo shumë është shumë më e madhe se sa ka paguar PD në 6 vite. Dallimi ynë i madh me këdo tjetër në spektrin politik në këtë vend, është se PS qeveris për njerëzit. Për të drejtën e gjithsecilit në mënyrë të barabartë. Pala tjetër ka qeverisur për të bërë dallime dhe diferencime sociale.
Llumit opozitar që për pak çaste kishte harruar se patericë e kujt ishte, Taulant Balla pasi i këndoi Enver Hoxhës i bënë të qartë aleatëve në shkatërrimin e Shqipërisë, se sa i përket ligjit, ligji do të rrëzohet:
“Nga ana tjetër, me ndryshimet ligjore të 2018-ës u bë shikimi i dosjeve dhe afateve. Ligji i vitit 2009 u bë në prag të fushatës dhe rrena e radhës ishte që t’i merren vota të përndjekurve. Ish-lideri historik i PD, që hipte në varkën e Hoxhës apo rrinte në shtëpinë e tij. Sa i përket ligjit, ligji do të rrëzohet, pasi Lufta antifashiste nacionalçlirimtare ka qenë ndër momentet e rëndësishme. E kemi renditur Shqipërinë në mes të fituesve. Për çështje të këtij karakteri, është mirë që të lëmë mënjanë politikën. Mjaft është tallur politika me të persekutuarit.”
