Të dhëna tronditëse, Berisha: Për farsën elektorale të 11 majit, Edi Rama përdori 1 miliard e 24 milionë €

Për farsën elektorale të 11 majit, diktatura autoritare e Edi Ramës përdori 1 miliard e 24 milionë euro, tha sot Kryetari i Partisë Demokratike, Sali Berisha, duke publikon të tjera të dhëna tronditëse nga laptopi i Ballukut ku konfirmohet se patronazhistët i kanë shtrirë tentakulat edhe në diasporë

Ndikimi në votat e diasporës ka qenë i jashtëzakonshëm, tha Kryetari i Partisë Demokratike, duke konkluduar se drejtuesja politike e Partisë Socilaiste në Fier, Belinda Balluku, doli me rezultate njësoj si Asadi.

“Rikthehemi tani se këto janë zhvillime të cilat nuk mund të kalojnë pa u denoncuar. Por kodi është një kërcënim serioz për çdo qytetar. Për çdo biznes, për çdo pronë. Është kod i narkosve.
Tani, edhe njëherë farsa elektorale 11 maj 2025 ishte farsa më e shëmtuar në historinë e vendit me arkitekt, autor kryesor Edi Ramën, me avokat kryesor Altin Troplinin.

Laptopi ka zbuluar, dje ju patë se si laptopi i Lubi Ballukut sipas të dhënave, përmbante të gjitha dokumentet se si patronazhistët e saj, nëpunës administrate, miklonin me oferta për punë me qindra mijëra qytetarë, banues në rrethin e Fierit.
Tani, tentakulat mafioza të patronazhistëve të partisë së krimit nuk kënaqen vetëm me veprimtarinë brenda, por janë shtrirë po kaq në diasporë. Drejtorë, punonjës të të gjitha rangjeve, me detyra të caktuara për të garantuar vota në diasporë dhe votimin për PS-në. Janë disa punonjës të administratës si Nazmi Kojku, Rajmnonda Mehmeti, Ervis Nilo, Ina Duka, Dritan Kllajdi dhe qindra e qindra patronazhistë të tjerë.
Në administratën e bashkisë Fier, njësitë administrative, në kadastër, zyrat e punës, drejtoritë e shërbimeve, ndërmarrjet publike në varësi të ministrive, OSHE, ujësjellës-kanalizim, mësues, sekretarë, staf ndihmës, njësitë e kujdesit shëndetësor, tatime, dogana, zyrat e sigurimeve shoqërore janë qendrat e punës të patronazhistëve famëzinj.
Ndërmarrje private nën ndikim shtetëror ose me lidhje politike.
Votuesit jashtë vendit janë regjistruar me kode: si mbështetës i PS, i paqartë, mbështetës i opozitës, i paditur ose i panjohur.
Pra, kanë bërë gjithçka që të kontrollojnë vullnetin e qytetarëve.
Këta votues janë telefonuar ose kontaktuar direkt nga patronazhistët për t’i mikluar ose kërcënuar se do humbasin vendet e punës njerëzit e tyre.
Pra, kjo ka qenë një nga misionet e zeza të patronazhistëve në rrethin e Fierit dhe që nuk dallojnë, të njëjta në gjithë Shqipërinë.
Por ne morëm Fierin meqenëse i tregonte laptopi të gjitha të dhënat,” tha Sali Berisha duke sjellë fakte se ndikimi në votat e diasporës ka qenë i barabartë pothuaj me ndikimin e Asadit.

“Narkodiktatori i Sirisë kishte rezultate 95%. Në Fier, Lubi Balluku me votat e diasporës arrin në 92%. Pra mbetet vetëm 3 pikë ndën Asadin e Sirisë. Nuk është vetëm efekti patronazhist këtu.
Këtu siç patë ju, është efekti sepse janë përjashtuar zgjedhësit nga dorëzimi i votës. Votat janë dorëzuar në qendra që janë mbushur pa shkuar tek zgjedhësit. Pra kompleksi i ndikimit në votat e diasporës ka qenë i jashtëzakonshëm.
Ka arritur votimi 92 apo 93% të votuesve në rrethin e Fierit për partinë e krimit. Këta janë armiq të votës së lirë të votës së shqiptarëve që punojnë në vende të lira dhe i paguan apo nuk i paguan Partia Socialiste, unë mendoj se ka një pagë për ta, por kjo duhet vërtetuar.
Por përveç këtyre, janë dërguar persona nga Fieri, nga Albpetrol. Janë drejtorë të ndryshëm të cilët janë marrë javë të tëra, jo vetëm me bindjen e njerëzve, por me mbushjen e votave që kanë ardhur.

Në fund, Kryetari i Partisë Demokratike tha se PD për këtë periudhë po merret me ndriçimin e të vërtetës të farsës elektorale të 11 majit 2025 dhe mendoj se, ka arritur të grumbullojë dokumente zyrtare të pakundërshtueshme që faktojnë shkatërrimin e këtij procesi në çdo qelizë.

“Të kuptohemi, diktaturat janë dy lloje: Janë diktatura totalitare të cilat nuk lejojnë konkurrencën; Janë diktatura autoritare që puthadorët e qeverisë i quajnë tani, liberale.
Diktaturat autoritare lejojnë konkurrencën, por e bëjnë fiktive garën. E bëjnë të pabarabartë.
Rasti konkret, në Shqipëri në zgjedhjet e 2021, Edi Rama përdori 130 mln euro para buxheti, që disbursoi për familjet e prekura nga tërmeti. I disbursoi në rrethet, Tiranë, Lezhë, Durrës dhe Kurbin. Tani nëqoftëse në 2021 u disbursuan nga buxheti për të blerë vota 130 mln euro dhe kjo ishte asgjësimi i votës, i procesit zgjedhor, si proces i rregullt, pra ishte farsë, në këto zgjedhje diktatori, apo diktatura autoritare përdori 1 miliardë e 24 milionë euro.
Cilat janë?
500 mln në kundërshtim me ligjin në prokurorime publike.
244 mln në kundërshtim me ligjin interesa bankare dhe grante për fermerët.
200 e ca milionë gjoba dhe kamata të falura të 10 viteve të fundit.
76 mln çdo pensionist 100 euro.
Pra vetëm me këto, pa llogaritur dhe 100 mln rrënjë kanabis, që nuk mbillen dot. Të them unë, 100 mln nuk i mbjell dot.
Pa llogaritur, ju i patë, qindra mijëra kate ndërtime nga kartelët e drogës dhe të tjerë, lejet e ndërtimit, lejet e legalizimit, certifikatat e pronësisë.
Pa llogaritur dhjetëra mijëra të punësuar të përkohshëm.
Pra kemi të bëjmë me një proces zgjedhor të vdekur. Nuk është totalitar, sepse e lejon garën, por e vdes në fushë garën. Ky është problemi.
Nuk ka ideologjinë komuniste, as naziste, as doktrina fetare në bazë, ka drogën dhe fuqinë e saj të tmerrshme. Ka drogën.
Se shiko, është ndryshe diktaturë autoritare e një elite që bën gjithçka për të qëndruar në pushtet, është krejt tjetër diktatura autoritare e bazuar në krimin dhe drogën.
Droga të bën ministër, droga të bën ambasador, droga të bën kryegjykatës, të bën kryeprokuror.
Droga të emëron drejtor të Përgjithshëm policie.
Droga të eliminon kur i shkel në kallo.
Është vendimmarrësi më i fuqishëm. Ndaj me dhjetëra e dhjetëra media të huaja e kanë quajtur narkoshtet.
Droga bën që prokurori special të mbajë në xhep mandatin e klanit Troplini dhe presin pastaj të merret… Në asnjë mënyrë, ai e ka mburojë, ai e din që do zëvendësonte Troplinin në çdo variant, ai që do të mbante në xhep mandatin dhe nuk do arrestonte.
Po, po. Edhe tani ai Elvis Doçi në shtëpi është, bashkë me Altin Hajrin.
Tani në Shqipëri e thërrasin masivisht Altin Troplini.
Po don të fusë ligjin tani që ta mbrojë, të dënojë gazetarët që të mos flasin dot kundër tij dhe Irena Gjokës. Kjo është çmenduri,” tha Kryetari i Partisë Demokratike, duke përfunduar:
“Pasi bëri fushatë 1 vjeçare për të ndryshuar kushtetutën se po më mbaron mandati dhe si të ja bëj. Duhet të ndryshonim kushtetutën për mandatin e tij, e kuptoni apo jo gjer ku shkon mendja e prokurorit të karteleve.
Keni parë ju të dënohet qoftë dhe një njeri i vetëm jashtë dokumenteve të ardhura nga jashtë? Edhe ato i fut në turshi.
Ky shtet po të mos ishin milionë faqe e dokumente të ardhura nga jashtë, këtu nuk arrestohet kush për drogën.
Pse nuk kapet 1 kg drogë në Portin e Durrësit? Sepse ka në dorë droga.
Ndaj dhe kjo diktatura liberale e avokatit të narkoshtetit, kjo është një diktaturë e pudrosur me një pluhur toksik që po shkatërron Shqipërinë, po largon shqiptarët nga Shqipëria.”