Të fundit me shpenzime për shëndetësinë, Basha: Boll më! Bashkë do ta largojmë të keqen…

Pas publikimit të shifrave nga Eurostat ku konfirmohet se Shqipëria është e fundit në Evropë me shpenzimet në shëndetësi, ka reaguar Kryetari i Partisë Demokratike, Lulzim Basha, duke theksuar se nuk mund të vazhdohet më kështu dhe bashkë do ta largojmë të keqen.

“Për 7 vite Rama i la në baltë shqiptarët me premtime të pambajtura si ai për shëndetësinë falas. Boll më. Nuk mund të vazhdohet më kështu,” thekson Kryetari i PD, Lulzim Basha, në reagimin e tij përmes rrjetit social Facebook duke përfunduar:

“Bashkë do ta largojmë të keqen dhe do të sjellim ndryshim dhe shpresë të re për Shqipërinë.”

Reagimi

Shqipëria investon sot më pak se çdo vend tjetër për kujdesin shëndetësor. Prandaj numri i mjekëve për frymë në Shqipëri është më i ulëti. Kjo është arsyeja pse pagat e mjekëve tanë, që tani po luftojnë në vijën e parë kundër pandemisë, janë më të ulëtat. Ata që e vuajnë këtë në kurrizin e tyre janë shqiptarët, të cilët paguajnë fatura të shtrenjta për ilaçet dhe trajtimin mjekësor.

Nuk ka pse të vazhdohet kështu. Ne mund dhe duhet të investojmë më shumë në shëndetësi. Ne mund t’i paguajmë më mirë mjekët dhe infermierët tanë dhe mund të shtojmë numrin e tyre. Ne mund të rimbursojmë më shumë për ilaçet dhe t’i bëjmë të përballueshme për të gjithë. Të gjitha këto mund të bëhen.

Për 7 vite Rama i la në baltë shqiptarët me premtime të pambajtura si ai për shëndetësinë falas. Boll më. Nuk mund të vazhdohet më kështu. Bashkë do ta largojmë të keqen dhe do të sjellim ndryshim dhe shpresë të re për Shqipërinë.