Të gjitha rrugët në Shqipëri të kalueshme

Të gjitha akset rrugore në vend, janë të kalueshme dhe nuk ka asnjë pengesë në qarkullimin e automjeteve, pas reshjeve të dëborës që ranë orët e fundit.

Ministria e Infrastrukturës dhe Energjisë, dhe Autoriteti Rrugor Shqiptar njoftuan se firmat nënkontraktore dhe Autoriteti Rrugor Shqiptar kanë punuar gjatë gjithë natës për të pastruar rrugët nga shtresa e dëborës së orëve të fundit.

Në aksin Pukë-Fushë Arrëz – Kalimash, Autoriteti Rrugor Shqiptar dhe kompanitë e mirëmbajtjes kanë ndërhyrë edhe gjatë orëve të natës për të mbajtur rrugën të kalueshme për drejtuesit e mjeteve pavarësisht reshjeve të dëborës.

Gjithashtu bëhet me dije se në akset rrugore të qarkut Korçë është punuar gjatë natës për të pastruar rrugët nga dëbora.

Autoriteti Rrugor Shqiptar bën me dije se është ndërhyrë edhe në aksin Q.Mali-Fierzë nga firma kontraktore për të larguar dëborën nga rruga.

Ministria e Infrastrukturës dhe Energjisë njofton se te gjitha firmat nënkontraktore që merren me mirëmbajtjen e rrugëve gjatë sezonit të dimrit, po punojnë për të mos krijuar asnjë bllokim rruge, në mënyre që qarkullimi i automjeteve të jetë normal