Të hënën fillon mësimi, BSKP pezullon grevën deri në janar të vitit 2023

Bashkimi i Sindikatave të Pavarura të Kosovës, BSPK, ka marrë vendim që të pezullojë grevën dhe nga dita e hënë do të fillojë mësimi, si dhe do të pezullohet greva në institucionet e tjera.

“Greva ishte detyrim sindikal dhe u përdor si mjet i fundit në raport me qeverinë,” tha Kreu i BSPK-së, Atdhe Hykolli ndërsa Rrahman Jashari tha se pas një rrugëtimi të gjatë me veprime sindikale për të nxit dialog dhe plotësim të kërkesave të punonjësve u detyruam të futim në grevë. “Uroj që qeveria të nxjerr mësime nga kjo grevë dhe të mos veproj si kësaj here.”

“Nga qeveria kërkojmë që të vazhdoj dialogun, të miratojë ligjin e pagave atë të sigurimeve shëndetësore. Qeveria dhe opinioni le ta dijë se greva nuk po mbyllet por po pezullihet deri në janar të vitit 2023,” tha Rrahman Jashari.

Ndryshe, greva në arsim dhe në administratën publike në nivelin lokal dhe qendror, nisi më 25 gusht dhe për pesë javë mbi 300.000 nxënës nuk e vijuan mësimin. Sindikata kërkoi 100 euro në muaj për punëtor deri në hyrjen në fuqi të Ligjit për paga.

Deri sa Qeveria publikoi një pako për ndihmë për shkak të rritjes së inflacionit me 50 euro për çdo punëtorë të sektorit publik, procedoi ndërkohë për konsultime publike, Projektligjin për paga i cili pritet të miratohet edhe në Parlament.