Të paktën 8 të vrarë nga të shtënat në një shkollë në Austri

Të paktën tetë persona janë vrarë sot në një sulm me të shtëna me armë në një shkollë në qytetin Graz të Austrisë, tha kryetarja e qytetit, Elke Kahr.

Khar tha se sulmuesi i dyshuar është vrarë gjithashtu.

Ajo e përshkroi sulmin si “tragjedi e tmerrshme”, raporton agjencia Austria Press.

Shtatë prej të vrarëve janë studentë. Khar tha se shumë njerëz të tjerë janë dërguar në spitale për shkak të plagëve.

Policia austriake tha se beson se sulmuesi veproi i vetëm.

Edhe Forcat Speciale janë dërguar në gjimnazin BORG Dreierschützengasse, pas një telefonate në orën 10:00 të mëngjesit.

Rreth një orë më vonë, policia njoftoi në rrjetin social X se të gjithë janë evakuuar nga shkolla dhe janë dërguar në vend të sigurt.

Policia shtoi se situata është “nën kontroll” dhe se nuk ka më rrezik.

Grac, qyteti i dytë më i madh i Austrisë, ndodhet në juglindje të vendit dhe ka rreth 300.000 banorë./RFE/