Të përndjekurit politikë/ Dëmshpërblimi, Basha: Akti i parë në ditën e dytë të maxhorancës së re, anulimi i këtyre amendimeve kriminale

Në seancën e “zhvendosur” parlamentare në Durrës nga opozita e cila vazhdon bojkotin e parlamentit të Gramoz Ruçit, padyshim se njëra ndër shqetësimet kryesore ishte amendimi i Ligjit për dëmshpërblimin e të përndjekurëve politik të cilin qeveria kriminale e Edi Ramës e kaloi në parlament. Akti i parë në ditën e dytë të maxhorancës së re, tha kryetari i Partisë Demokratike, Luzim Basha, do të jetë anulimi i këtij ligji, i këtyre amendimeve kriminale.

“Ndërkohë që ulen taksat për bizneset e Agron Xhafës dhe ortakëve të tij, anëtarëve të bandës së Agron Xhafës të dënuar në Itali për trafik droge, hiqet dëmshpërblimi për të përndjekurit politikë, ulet dyshemeja dhe vihen tavane, sepse partia që i persekutoi për 50 vite është shndërruar tani në një skalion, jo më krimi ideologjik, por krimit të organizuar dhe korrupsioni. Dhe këto para iu duhen për PPP-të, për koncesione korruptive, për vjedhjen me ligj,” tha kryetari i Partisë Demokratike duke ju drejtuar të përndjekurve politikë edhe nga Durrësi:

“Ajo që ndodh në Kuvend është moralisht një barbari e dytë mbi ju dhe familjet tuaja, jo thjesht dhe vetëm aspekti financiar por futja e duarve të rilindjes, bijve të xhahilëve dhe në disa rast vetë xhahilët, siç janë prokurorët dhe hetuesit i Sigurimit të Shtetit më në krye Fatmir Xhafën,” tha Basha duke shtuar se kjo tregon që nuk ka asnjë sens pendese ndaj vrasjeve, ekzekutimeve, burgosjeve, internimeve tuaja, prindërve dhe gjyshërve tuaj. Por me këtë rast ai premtoi:

“Akti i parë në ditën e dytë të maxhorancës së re do të jetë anulimi i këtij ligji, i këtyre amendimeve kriminale, që sot, pasardhësit e Enver Hoxhës dhe kriminelëve të tjerë të regjimit komunist po kalojnë në folenë e krimit të drejtuar nga kriminelët e vjetër dhe kriminelët e rinj,” tha kryetari i Partisë Demokratike, Luzim Basha, duke i kërkuar kësaj shtrese më të shtypur në shoqërinëq shqiptare që nga ekzistimi i këtij shteti, që  gjithsecilit prej tyre të bashkohet fuqimisht në aksionin politik, sepse kështu do t’i shërbejnë jo vetëm dinjitetit të përndjekurve politikë, dinjitetit të nëpërkëmbur të përndjekurve politikë, por edhe dinjitetit të të gjithë shqiptarëve.