Të rinjtë e AfD: BE duhet të vdesë për të jetuar Evropa

Kuvendi i forumit rinor të AfD ka shkaktuar shumë debate në Gjermani si për deklaratën e kryetarit të këtij forumi ashtu edhe vetë liderit të AfD.

Deri sa kryetari i forumit rinor të AfD, Damian Lohr u shpreh qartë se Bashkimi Evropian duhet të vdesë për të jetuar Evropa, kryetari i partisë Alexander Gauland, duke vlerësuar sukseset gjermane në të kaluarën, tha se regjimi nazist ishte vetëm një njollë e vogël në historinë kombëtare.

Njollë e vogël në historinë kombëtare

Kryetari i të djathtës ekstreme gjermane, Alternativa për Gjermani, AfD, Alexander Gauland, duke mbajtë fjalim në kuvendin dyditor të forumit rinor të partisë, që mbahet një muaj para kuvendit federal të partisë që do t ë zhvillohet në Augsburg, vlerësoi sukseset gjermane në të kaluarën, duke shtuar se regjimi nazist ishte vetëm një njollë e vogël në historinë kombëtare.

“Hitleri dhe nazistët ishin vetëm një gjë e vogël në historinë e lavdishme mijëra vjeçare gjermane,” tha Gauland në një tubim të të rinjve të AfD në krahinën lindore Thuringia duke mos e mohuar përgjegjësinë gjermane për regjimin nazist, dhe shtoi: “Vetëm ata që njohin historinë kanë fuqinë për të krijuar të ardhmen”.

Megjithatë, ai vuri në dukje, se kjo ishte vetëm një pjesë e historisë së famshme të Gjermanisë që shtrihet shumë përtej kësaj periudhe.

“BE duhet të vdesë për të jetuar Evropa”

“Partia mëmë dhe të rinjtë e saj ndryshojnë me qëndrimin për BE,” tha kreu i forumit rinor, Damian Lohr duke shtuar:

“Bashkimi Evropian duhet të vdesë për të jetuar Evropa”, shtoi Lohr.

Me këtë rast udhëheqësi tjetër i AfD, Joerg Meuthen ftoi të rinjtë të hyjnë në parti në mënyrë që të luftojnë për një Evropë më të mirë.

“Ne e duam Evropën e shteteve kombëtare të Evropës”, tha Meuthen në kuvendin e forumit rinor të AfD

Reagimi i CDU

Menjëherë pas kësaj deklarate të Gauland, reagoi Bashkimi Kristiandemokrat i Angela Merkel, CDU, përmes një postimi në rrjetin social Twitter.

“Me këtë AfD zbulon fytyrën e saj të vërtetë. Holokausti dhe 50 milionë viktima për atë parti nuk janë asgjë më shumë se sa jashtëqitjet e shpendëve,” tha CDU por nuk kishte ndonjë reagim edh endaj qëndrim të lideri të të rinjve të AfD.