Të rinjtë po ikin nga Shqipëria, Schulz: Qeveria ka bërë një punë shumë të mirë!
Ish-Presidenti i Parlamentit Europian dhe SPD-së gjermane, Martin Schulz, edhe në prag të këtyre zgjedhjeve i doli në ndihmë partisë kriminale të Edi Ramës ndërsa bindjet e tij esktreme të majta i shfaqi edhe sot pas takimit me Sekretarin e Përgjithshëm të PS, Damian Gjiknuri, kur u pyet për të rinjtë që po lagohen nga Shqipëria drejt Gjermanisë.
“Të rinjtë po largohen, por është e vërtetë që qeveria ka bërë një punë shumë të mirë, por është e rëndësishme që të bëhet më shumë për të përmbushur kërkesat e tyre,” tha miku i Edi Ramës i cili në kohën kur ishte në krye të SPD bënte koalicion me CDU-në e djathtë për të qeverisur Gjermaninë, por sot kur këshillon PS-në në organizimin e një konference të partive të majta, kundërshton Ilir Metën meqë bëri koalicion me PD-në.
“Është një nga personalitetet e mëdha të politikës gjermane, një bashkëpunëtor i afërt i PS. Së bashku jemi duke punuar në lidhje me politikën e jashtme, sfidat që po kalon Shqipëria dhe Ballkani Perëndimor. Po përgatitemi për një konferencë të madhe, ku do të paraqesim dhe idetë progresive, zoti Schulz është një mbështetës i madh i politikave tona,” tha Damian Gjiknuri ndërsa bëri të ditur se Meta nuk do të jetë pjesë e konferencës:
“Ilir Meta është i rreshtuar me koalicionin e të shkuarës, nuk përfaqëson asgjë me të majtën dhe madje edhe emrin e ka ndryshuar”.
Ndryshe, kontributin e Martin Schulz në mbështetjen e politikës kriminale të Edi Ramës nuk mund ta mohon askush, ashtu siç nuk mund ta pohon dhe faktin që e thotë sot me zë të lartë Ish-Sekretari i Përgjithshëm i SHIK-ut të Fatos Klosit, Damian Gjiknuri, se Schulz është një nga personalitetet e mëdha të politikës gjermane.
