Të shtëna me armë zjarri në Laç, 1 i plagosur. Emri…

Të shtëna me armë zjarri janë dëgjuar sonte në qytetin e Laçit, ku një person ka mbetur i plagosur.

Mësohet se i plagosuri është Edon Martini, 19-vjeç, i cili është dërguar me urgjencë në Spitalin e Traumës në Tiranë, dhe është në gjendje të rëndë.

Policia shprehet se ngjarja ka ndodhur në rrethana ende të paqarta. Grupi hetimor është në vendngjarje dhe po vazhdon hetimet për zbardhjen e plotë të rrethanave të ngjarjes.

Njoftimi i policisë:

Kurbin / Informacion paraprak

Në lagjen nr.1 në Laç, në rrethana ende të paqarta, është plagosur me armë zjarri shtetasi E.M. 19 vjeç, banues në Laç, i cili është transportuar në spital ku ndodhet nën kujdes mjekësor.

Grupi hetimor në vendngjarje vazhdon hetimet për zbardhjen e plotë të rrethanave të ngjarjes.

Janë ngritur pika kontrolli  si dhe po bëhet krehja e zones me qëllim kapjen e autorit.