Të shtunën Angela Merkel takon Vladimir Putinin
Kancelarja gjermane, Angela Merkel do të takohet të shtunën me presidentin rus, Vladimir Putin ku temë e takimit pritet të jetë lufta në Siri, dhuna në Ukrainën lindore dhe çështjet energjetike, ka bërë të ditur zëdhënësi i qeverisë gjermane.
Takimi do të zhvillohet në pallatin qeveritar Meseberg, i cili ndodhet pranë Berlinit, theksoi zëdhënësi.
Dy liderët për herë t ë fundit janë takuar në muajin maj në pikën turistike ruse, Soçi, në Detin e Zi.
Ndërkohë Kancelarja Merkel dhe shefi i diplomacisë gjermane Heiko Maas janë takuar në muajin korrik me shefin e diplomacisë ruse, Sergej Lavrov, i cili ishte i shoqëruar me shefin e shtabit të ushtrisë ruse, Valerij Gerasimov.
