Të vërtetat që Rama nuk i mbulon dot, PD: Tirana 2011-2015 drejtuar nga Basha, ja lista e kopshteve, shkollave…

Duke sjellë të vërtetat që Edi Rama nuk mbulon dot megjithë  makinerinë e madhe të propagandës që ka në dispozicion, Partia Demokratike përmes Ish-Nënkryetares së Bashkisë Tiranë, Jorida Tabaku, publikon listën e 48 kopshteve, shkollave e çerdheve që u ndërtuan dhe rehabilituan gjatë viteve 2011-2015 në Tiranën e drejtuar nga Lulzim Basha.

“Këto janë të vërtetat që Edi Rama dhe kopja e tij pa ngjyra në bashkinë e betonizuar nuk i mbulojnë dot megjithë  makinerinë e madhe të propagandës që kanë në dispozicion. Shkollat, kopshtet apo çerdhet janë aty ndërsa dokumentacionet në bashkinë e Tiranës. Qytetarët e Tiranës janë dëshmitarët e të gjithë investimeve tona në bashkinë e drejtuar nga Basha,” thekson Jorida Tabaku në reagimin e saj përmes rrjetit social Facebook ndërsa për të  gjithë sojin e propagandes dhe lakejtë e tyre publikon listën e plotë të godinave që u ndërtuan dhe rehabilituan sikundër u lanë në proces dhe dhjetëra të tjera si “Qemal Stafa” apo “Eqerem Çabej”.

Ky i Ramës dhe i Veliajt, shprehet Ish-Nënkryetarja e Bashkisë Tiranë, është shteti i FB dhe i projekteve në 3D, është modeli i qeverisjes duke hedhur baltë mbi kundershtarin sepse kjo është alternativa e fundit mbetur pas 8 vitesh deshtime në çdo fushë.

“Ka ardhur koha të ndryshojmë. Ka ardhur koha për një qeveri që kujdeset për njerëzit. Ka ardhur koha t’i rikthejmë Shqipërisë njerëzit e saj; t’ua kthejmë qeverinë qytetarëve. Ka ardhur koha ta çojmë Shqipërinë drejt rrugës së suksesit dhe standardeve të larta të jetesës,” thekson Ish-Nënkryetarja e Bashkisë Tiranë, Jorida Tabaku, në reagimin e saj përmes rrjetit social Facebook duke përfunduar:

“Qeveria jonë do të kujdeset për të ardhurat e qytetarëve, jo për per te trefishuar pasurinë si këto që po ikin!”