Teatri i MPB, Edi Rama flet për pamjet e kamerave në Komisariat: Sajesë! Pse nuk i bëri publike…

Shkarkoi ministrin e Brendshëm, të gjithë shefat e komisariateve të policisë sepse kultivonin dhe trafikonin drogë dhe sot kryeministri Edi Rama në një takim me oficerët e policisë, dhe në prani të Ministrit të Brendshëm, Fatmir Xhafaj, i quan shpifje ato që janë thënë mbi uniformat e tyre dhe ata nuk duhet të shqetësohen.

“Për ne e re është e vetëm përmasa, se lajmi i rremë, shpifja ka qenë mes nesh. Ne faqet e para të gazetave dhe edicionet informative të mediave tradicionale, nuk kam ardhur të mbaj fjalim mbi shpifjen, por sepse shpifja nuk duhet të ndikojë në punë tuaj.”

Fëlliqësitë e hedhura mbi uniformën tuaj, narkopolicia e me radhë nuk duhet të shpërqendrojnë nga misioni dhe qëllimi juaj, tha Edi Rama përkundër faktit se përpara kishte oficerë të policisë përgjegjëse për kanabizimin e vendit. Por, siç duket, ky nuk ishte qëllimi i vizitës së tij në Ministrinë e Brendshme, kishte ardhur për të përbaltur opozitën dhe për të çuditur dynjanë:

“Kam ardhur se ofensiva politike e mediatike për të krijuar përceptimin e pasigurisë dhe kriminalitetit të dalë jashtë kontrollit meritoj kundërpërgjigje, dhe si kundërpërgjigje, shumëfishimi imediat i goditjeve ndaj krimit, që nga lloji i të fortëve në mes bllokut, deri te kundërvajtësit që kërcënojnë qetësinë e komunitetit, kriza e politikës që synon të errësojë sytë e publikut, është mundësi që duhet shfrytëzuar për të dhënë gjithçka, shtysë për të mbledhur fuqitë dhe energjitë e brendshme duke e renditur në një shkallë tjetër policinë e shtetit”, tha Rama duk eu mburrë sërish me statistika dh eduke injoruar realitetin:

“Statistikat janë në anën tonë, flasin qartë për ku ishte e ku është vendi, por lufta e egër për të krijuar perceptimin e kundërt do të përshkallëzojë më shumë shpifje, fabrikime, aktorë videosh e audio, krimi, krimi, krimi, në fjalime, debat, komente, krimi në drekë, darkë. Është një luftë e dëshpëruar për pushtet, për pushtetit që u marrka me forcë kur nuk merret me votë. Por kjo është puna ime dhe e qeverisë, puna juaj është të kundërpërgjigjeni ndaj kësaj batareje, më fortë dhe qartë se asnjëherë me shumë më tepër rezultate se keni sot”.

Rama flet për pamjet e kamerave: Sajesë…

Plotë mllef foli për Nënkomisar Nuhun i cili denoncoi përdhunimin e djalit të deputetit socialist, Rrahman Rraja dhe  krimin në Komisariatin e Fushë Krujës. Derisa përdhunimi doli “mënyrë e të dashuruarit” sipas versionit socialist, fakti nëse ishte apo jo Taulant Balla në komisariat rëndohet edhe më shumë me vetë fjalët e kryeministrit. Ai i ka parë kamerat dhe thotë që është sajesë, dhe për dallim nga rasti Babale që publikoi ekspertizën, nuk dihet pse por ai nuk e bënë publike as sot e kësaj dite por vetëm mjaftohet me gjykimin e tij se është “sajesë”.

“Dua një reflektim të plotë, një reagim i drejtë dhe një fakt që pavarësisht se Policia e Shtetit u godit nga brenda radhëve të saj prej një shpifësi të provuar katërçipërisht, u desh që shpifja të merrte dhenë. Kjo është e pajustifikueshme. Ku ishte drejtori i SHÇBA kur shpifësi me uniformë i solli me shkrim shpifjen e tij? Pse nuk reagoi kur u bë letra. Pse u la një shpifësi brenda radhë ve të policisë, siç u krijua dhe hodhi shpifjen në kazanët e duhura dhe në pas kërkoi azil,” tha kryeministri duke i mbajtur dëshmitë për vete dhe duke e lene opinionion me përcetimin që është krijuar nga akuzat e ngritura për kabinetin më kriminal në historinë shqiptare, akuza që vijnë pas dëshmisë së oficerit të dytë me radhë që po akuzohet nga Edi Rama, ndërkohë që akuzat e Zaganit rezultuan 100 për qind të vërteta. Dhe, duke hedhur vrerë mbi Nënkomisarin i cili tashmë është në mbrojtje të shtetit zvicerian ai vazhdon akuzat:

“Kujt ia kishte borxh kjo trupë, pse iu mohua publikut shqiptar e drejta për të parë të vërteten në kamerat e komisariatit, lidhur me gjithë skenën e fantazuar nga shpifësi, ndërkohë që në kamera del qartë se
e tërë skena që ngriti gjithë atë dallgë balte mbi policinë dhe ne është një sajesë,” tha Edi Rama duke u munduar të bindë opinionin mbi ekzistimin e një drejtësie të pavarur:

“Fakti që kamerat iu dërguan prokurorisë, se kjo është njëra anë, por nuk e justifikon gjithë atë baltë që mori policia e shtetit, u la gjithë Shqipëria të përpëlitej në vorbullën e një fantazie me deputetë të
armatosur që futen në komisariat dhe i vënë pushkën në ballë një punonjësi policie, që kamerat thonë se as ishte, e as kishte asgjë të kësaj natyre.

Kur gënjeshtra ka bërë xhiron e botës e vërteta akoma s’ka veshur pantallonat, unë nuk e pranoj dot këtë që Një provë aq vrastare për gjithë mizërinë e llafeve, nuk i jepet publikut dhe çohet në prokurori dhe aty mbyllet e papërdorshme se është provë hetimore.

Një film me krim për vëllanë, një video me krim për djalin, për krushkun, krimi këtu, Taulanti nuk diskutohet, Fatmiri po, unë as diskutohet,” tha Edi Rama gjoja për prokurorinë jobashkëpunuese, kjo prokurori e cila këtij Fatmirit i dhuroi lirinë për të vëllain ndërsa po i shërben gjithë grupit parlamnetar socialist duke përfshirë këtu edhe Ish-Ministrin Saimir Tahiri, siç u pa edhe sot.