“Teatri Kombëtar”/ Apeli, Arben Malaj: Nëse Majko e Braçe e duan këtë vend…

Pas përgatitjeve të fundit të regjimit të Edi Ramës për shembjen e Teatrit Kombëtar, ku forca të shumëta policie kanë ushtruar dhunë edhe ndaj artistëve që vazhdojnë të mbrojnë Teatrin, Anëtari i Këshillit Mbikëqyrës të Bankës së Shqipërisë, Arben Malaj, duk eu solidarizuar me artistet dhe qytetarët sot para Teatrit Kombetar i ka bërë thirrje si Ish-Ministër socialis kolegëve të tij, Kryetarit të Parlamentit, Gramoz Ruçi, Zv/kryeministrit Erjon Braçe dhe ministrit të Diasporës, Pandeli Majko që të bllokohet rrethimi nga policia dhe të bllokohet aktiviteti në Teatrin Kombëtar.

“Të dashur protestues dhe police. Kam ardhur këtu me mesazhin e Nënë Terezës, ne vend te erresires, ndizni nje qiri. Ministrjaa e Kulturës të heqë policët nga institucioni. Ministri Majko dhe socialisti shumë i mirë Erjon Brace të kërkojne një vendim qarkullues, që për gjithë periudhën që të ketë kontratë për punimet të bllokohet rrethimi nga policia dhe të bllokohet aktiviteti në Teatrin Kombëtar.”

Kjo, tha Arben Malaj mund të bëhet me akt normativ qarkullues:

“Nëse Majko e Braçe e duan këtë vend ajo bëhet gati për 20 minuta. Kjo i jep mundësi artistëve të pushojnë si  gjithë shqiptarët. Nëse qeveria nuk e bën, është në detyrimin moral të Gramoz Ruçit, të mbledhë deputetët, të marrë një ligjj vetëm me një paragraf, të mundësohet ndalimi i ndërhyrjes tek Teatri. Pas kësaj të gjithë së bashku të bëjmë maksimumin per zgjidhjen më të mirë, që mbron pasurinë dhe krenarinë tonë.”