Teatri Kombëtar/ Regjisorja ka një mesazh për Kryebashkiakun Veliaj…
Një ditë më parë, Kryetari i Bashkisë së Tiranës, Erjon Veliaj, inicoi një takim me artistët dhe arkitektë, në lidhje me projektin për Teatrin Kombëtar.
Kryebashkiaku i Tiranës u ka dërguar ftesë artistëve për të arritur një debat konstruktiv mes palëve, por duket se jot ë gjithë kanë qenë të mirëpritur.
Një prej të përjashtuarave nga ky takim ka qenë edhe regjisorja e këtij Teatri, Elma Doresi.
“Lajmin për dëgjesën mbi Teatrin e mora vesh tani nga statuset e miqve. Ftesat i paska bërë vetë Kryetari i Bashkisë.
Më vjen mirë që shoh kolegë nga të gjitha brezat, por kryetar unë vazhdoj të jem regjisorja e Teatrit Kombëtar dhe bashkë me miqtë e mi që kemi punuar këto vite mendoj se duhet të ma kishe dërguar edhe mua këtë ftesë’, shkruan Doresi, që së fundmi është edhe regjisore e ‘Zbutja e Kryeneçes’.
Ndërkohë, regjisorja nuk është e vetmja që nuk ka marrë një ftesë për në dëgjesën publike, pasi edhe aktori Klod Hoxha, në seksionin e komenteve shprehet se nuk ka marrë një ftesë.
