Tek Trau Rama-Qeti/ Vetëm një “protestues”, Ambasadori Kosovës; Edi Rama: Falemnderit kuksianë!

Ndonëse ishte paralajmëruar një protestë për vendosjen e taksës në Rrugë e Kombit nga banorët e Kukësit, ajo nuk është mbajtur, dhe i vetmi “protestues” për vendosjen e kësaj takse ishte, Ambasadori i Kosovës në Tiranë, Sylë Ukshini.

Sylë Ukshini tha se ka parë nga afër zhvillimet e fundit për zbatimin e vendimit të autoriteteve shqiptare për taksën në “Rrugën e Kombit” ndërsa vlerëson se kjo taksë rrugore për qytetarët e Kosovës, të cilët shfrytëzojnë këtë rrugë është e lartë.

“Është një vendim autonom, të cilin ne do e respektojmë. Mirëpo, mendoj se analiza më e saktë, me e qëlluar, më e pa anshme do të bëhet në javët dhe muajt e ardhshëm dhe të shihet si do të reflektohet kjo në fluks, të bizneseve dhe qytetarëve,” tha me skpeticizëm diplomati kosovarë duke shtuar:

“Për qytetarët e rëndomtë, për njerëzit që shfrytëzojnë këtë rrugë për çështje shëndetësore të përditshme është e lartë. Por premtimi ka qenë që njerëzit që do të përdorin në vajtje-ardhje më të shpeshta do të ketë zbritje dhe unë mendoj se duhet të ketë zbritje, sepse 5 euro është taksë e lartë,” tha Sylë Ukshini tek trau i Edi Ramës dhe Qet Kastratit ndërsa pyetjes së gazetarëve të Tiranës se a do të aplikojë edhe Kosova taksë rrugore për autostradën Morinë-Prishtinë, Ukshini tha se për momentin nuk ka ndonjë vendim.

Prezent tek trau ishtet edhe Drejtori i kompanisë koncesionare, Spartak Tumani tha se në ditën e parë të vendosjes së taksës për autostradën nuk ka pasur incidente, por çmimet që ai i deklraoi para kamerave nuk korrespondojnë me ato që janë vendosur dhe po zbatohen në pikat e pagesës:

“Për veturën e vogël është pesë euro, por nëse një qytetar nga Kosova dhe një qytetar nga Tirana bënë lëvizje deri në 30 në muaj, ai do të përfitoj sipas planit zbritës. Të gjitha bizneset që bëjnë kalime të shpeshta pajisen me karta digjitale. Për kamionët e rëndë çmimi është 22.6 euro një drejtim”, tha Tumoni duke gënjyer para kamerave.

Spartak Tumani ashtu si pronari i tij Qet Kastrati, dhe pronari i pronarit, Edi Rama, nuk dihet se me cilin kurs punojnë, por sipas kursit të Bankës së Shqipërisë:

660 lekë = 5.20 euro

2.970 lekë = 23.40 euro

Ndërkohë, kryeministri i Shqipërisë, Edi Rama reagoi duke falënderuar qytetarët e Kukësit për mirëkuptimin dhe qytetarinë. Qytetari, së cilës Edi Rama u dhuroi terror, dru dhe burg!