Teksti i dorëheqjes/ Fatmir Xhafaj, njeriu që shkatërroi Drejtësinë nuk di as të dorëhiqet…

Me tekstin e dorëheqjes, Fatmir Xhafaj,  tregoi se jo më kot shkatërroi Drejtësinë me “Reformën” e tijj dhe iu la në dorë edhe policia. Dorëhiqet dhe në tekstin e dorëheqjes shkruan “me vullnetin tim” thuase se ka largim nga posti me kobure në kokë që quhet “dorëheqje”.

Ja çfarë thotë njeriu që la Shqipërinë pa Gjykatë Kushtetuese dhe pa Gjykatën e Lartë me Reformën e tij në Drejtësi, dhe i la në dorë trafikantit ndërkombëtar të drogës, Agron Geron Xhafajt, luftën kundër këtij fenomeni që tashmë është shqetësues edhe për gjithë Evropën:

“Pas më shumë se 1 viti në krye të Ministrisë së Brendshme, me vullnetin tim, i kam paraqitur Kryeministrit Edi Rama dorëheqjen time si Ministër i Brendshëm, duke e falënderuar për besimin e dhënë me emërimin në këtë detyrë të rëndësishme.”

Njeriu që ditë më parë realizoi “me sukses” Mega operacionin e koduar “Volvo 4” flet për sukseset e tij:

“Sfidat kanë qenë tepër të mëdha, por jam krenar se në krye të një ekipi me integritet e përkushtim në Ministrinë e Brendshme dhe Policinë e Shtetit, kemi mundur të arrijmë suksese shumë të rëndësishme në forcimin e rendit dhe sigurisë në vend, disa prej tyre të konsideruara të pamundura për vite të tëra,” tha ministri që shpërndante përmes mediave që ka nën kontroll se si është njeriu i amerikanëve, më pas na doli i gjermanëve dhe në fund rezulton ashtu siç e kishte trajtuar opozita, i Agron Geron Xhafajt, duke u frikësuar vetëm nga paralajmërimi i një dalje publike të kushëririt të Habilajve.

Mesazhi i plotë pas dorëheqjes sime nga detyra si ministër i Brendshëm https://t.co/be2pQA5Xrp

— Fatmir Xhafaj (@FatmirXhafaj) October 27, 2018

Mesazhi i ministrit  Fatmir Xhafaj pas dorëheqjes nga detyra:

Pas më shumë se 1 viti në krye të Ministrisë së Brendshme, me vullnetin tim, i kam paraqitur Kryeministrit Edi Rama dorëheqjen time si Ministër i Brendshëm, duke e falënderuar për besimin e dhënë me emërimin në këtë detyrë të rëndësishme.

Erdha në këtë detyrë për një mision të vështirë, shërbeva me pasion, me modesti dhe me devotshmëri në shërbim të shtetit, të ligjit dhe të qytetarëve.

Sfidat kanë qenë tepër të mëdha, por jam krenar se në krye të një ekipi me integritet e përkushtim në Ministrinë e Brendshme dhe Policinë e Shtetit, kemi mundur të arrijmë suksese shumë të rëndësishme në forcimin e rendit dhe sigurisë në vend, disa prej tyre të konsideruara të pamundura për vite të tëra.

Falënderoj të gjithë ekipin, kolegët, miqtë e mi dhe veçanërisht familjen time, si dhe të gjithë ata që më vlerësuan, besuan dhe më mbështetën gjatë gjithë kësaj periudhe.

Vlerësim dhe mirënjohje nga zemra për të gjithë ata gra dhe burra në uniformë, për gjithçka bënë gjatë kësaj periudhe në luftë me krimin dhe paligjshmërinë.

Një falënderim i veçantë edhe për partnerët vendas dhe ata të huaj, agjencitë ligj zbatuese vendase e ndërkombëtare, mbështetja e të cilëve ka qenë një inkurajim shumë i rëndësishëm