Temperaturat deri -20°C, ARRSH: Qarkullimi me zinxhirë i domosdoshëm në akset…
Pas natës me borë dhe ngrica ku temperatura shkoi deri në -20°C Autoriteti Rrugor Shqiptar, ARRSH, bënë të ditur se nuk ka probleme me qarkullimin e mjeteve përveç se në akset Qafë-Thore Theth dhe Kukës-Shishtavec ku qarkullimi bëhet me zinxhirë dhe po punohet në pastrimin e borës.
“Kontraktorët me mjetet borëpastruese kanë qenë në terren, kanë bërë shpërndarjen e kripës në të gjitha akset nacionale për të evituar ngricat. Në akset Qafë-Thore Theth dhe Kukës-Shishtavec qarkullimi bëhet me zinxhirë, po punohet për pastrimin nga dëbora,” thekson ARRSH ndërsa këshillon drejtuesit e mjeteve:
“Drejtuesit e mjeteve, duhet të bëjnë kujdes në lëvizje, të respektojnë sinjalistikën rrugore, të reduktojnë shpejtësinë, të pajisen me zinxhirë dhe goma dimërore dhe të ndjekin udhëzimet e Policisë Rrugore,” thekson Autoriteti Rrugor Shqiptar duke e shoqëruar me Raportin e Ministrisë së Infrastrukutrës:
Njoftim i ARRSH:
Gjatë natës ka pasur temperatura nën 0°C në të gjithë vendin, në zonat malore kanë arritur deri në -20°C pa krijuar probleme me qarkullimin e mjeteve.
Kontraktorët me mjetet borëpastruese kanë qenë në terren, kanë bërë shpërndarjen e kripës në të gjitha akset nacionale për të evituar ngricat.
Në akset Qafë-Thore Theth dhe Kukës-Shishtavec qarkullimi bëhet me zinxhirë, po punohet për pastrimin nga dëbora. Drejtuesit e mjeteve, duhet të bëjnë kujdes në lëvizje, të respektojnë sinjalistikën rrugore, të reduktojnë shpejtësinë, të pajisen me zinxhirë dhe goma dimërore dhe të ndjekin udhëzimet e Policisë Rrugore.
