Tendera korruptiv të Qendrës Sportive Tiranë, PD denoncon: Administratori strehoi zgjedhësit fiktivë në 14 maj

Partia Demokratike përmes zëdhënëses për Antikorrupsion, Genta Vangjeli, ka denoncuar Administratorin e Qendrës Sportive Tiranë, Fatjon Dhuli, për tenderat korruptiv të kësaj Qendre pronar i së cilës është Bashkia Tiranë, si dhe strehimin nga Administratori i zgjedhësve fiktivë të Erion Veliajt në 14 maj.

“Nga të dhënat zyrtare të Agjencisë së Prokurimit Publik rezulton se gjatë vitit ushtrimor 2023, Qendra Sportive Tiranë ka publikuar 3 procedurat me objekt: Blerje materiale për mirëmbajtje pishine’ fondi limit 12,833,138 lekë.Fitues BOE shoqëria ‘Pepa Group’ sh.p.k., me shoqërinë ‘Active’ sh.p.k. me ofertën e paraqitur me vlerë totale prej 12,821,490 lekë ose 99.9 % e vlerës limit.

Rehabilitimin e ambienteve tek kompleksi ‘Dajti’, fondi limit 37 458 327 lekë. Fituesi i njëjtë (BOE), shoqëria ‘Pepa Group’ sh.p.k., me shoqërinë ‘Active’ sh.p.k., me ofertën fituese të paraqitur me çmimin më të lartë krahasuar me 12 ofertat e tjera që morën pjesë për këtë prokurim, vlerë totale prej 33 735 497 lekë ose 90 % e fondit limit,” thekson zëdhënësja për Antikorrupsion e PD, Genta Vangjeli, duke shtuar se për këtë procedurë Autoriteti Kontraktor me në krye Fatjon Dhulin ka paracaktuar me doemos fituesin e dëshiruar dhe jo të merituar ka hequr si kriter kualifikues Deklaratën mbi kontratat e lidhura në proces që plotësohet nga Operatorët Ekonomik me justifikimin e rekomandimit të APP-së, të datës 15.08.2023.

Për këtë procedurë morën pjesë edhe 12 ofertues të tjerë me oferta më të ulëta se kjo e shpallur fituese, të cilat u s’kualifikuan të gjitha për mospërmbushjen e kritereve kualifikuese.

Deklaratë:

Qendra Sportive Tiranë sh.a, me pronar Bashkinë Tiranë, dhe Administrator prej Nëntorit 2021 z. Fatjon Dhuli.

Nga të dhënat zyrtare të Agjencisë së Prokurimit Publik rezulton se gjatë vitit ushtrimor 2023, Qendra Sportive Tiranë ka publikuar 3 procedurat me objekt:

Blerje materiale për mirëmbajtje pishine’ fondi limit 12,833,138 lekë

Fitues BOE shoqëria ‘Pepa Group’ sh.p.k., me shoqërinë ‘Active’ sh.p.k. me ofertën e paraqitur me vlerë totale prej 12,821,490 lekë ose 99.9 % e vlerës limit.

Rehabilitimin e ambienteve tek kompleksi ‘Dajti’, fondi limit 37 458 327 lekë.

Fituesi i njëjtë (BOE), shoqëria ‘Pepa Group’ sh.p.k., me shoqërinë ‘Active’ sh.p.k., me ofertën fituese të paraqitur me çmimin më të lartë krahasuar me 12 ofertat e tjera që morën pjesë për këtë prokurim, vlerë totale prej 33 735 497 lekë ose 90 % e fondit limit.

Për këtë procedurë Autoriteti Kontraktor me në krye Fatjon Dhulin për të paracaktuar me doemos fituesin e dëshiruar dhe jo të merituar ka ndryshuar DT ku në shtojcën respektive kanë hequr si kriter kualifikues Deklaratën mbi kontratat e lidhura dhe/ose në proces e cila plotësohet nga Operatorët Ekonomik me justifikimin e rekomandimit të APP-së, të datës 15.08.2023.

Për këtë procedurë morën pjesë edhe 12 ofertues të tjerë me oferta më të ulëta se kjo e shpallur fituese, të cilat u s’kualifikuan të gjitha për mospërmbushjen e kritereve kualifikuese në DT.

Oferta më e ulët ishte 25.902.566 lekë pra me diferencë 78 milion lekë të vjetra më pak se oferta e paraqitur nga fituesi 33.7 milion lekë.

Rehabilitimin e ambienteve tek kompleksi ‘Fushat sportive Pishinat’ fond limit 28,023,943 lek

Fituesi i njëjtë (BOE), shoqëria ‘Pepa Group Group’ sh.p.k., me shoqërinë ‘Active’ sh.p.k., se oferta fituese me vlerë totale prej 25,945,192 lekë ose 92% e vlerës limit.

Për këtë procedurë morën pjesë edhe 10 ofertues të tjerë të gjithë me ofertë me çmim më të ulët se oferta fituese, të cilët u s’kualifikuan të gjithë për mospërmbushjen e kritereve kualifikuese në DT.

Oferta më e ulët e paraqitur ishte 18.279.122 lekë pra me diferencë 76 milion lekë të vjetra më pak se oferta e paraqitur nga fituesi 25.9 milion lekë.