Tenderat e punëve publike, denoncon PD: Nuk i nënshtrohen konkurencës por favoreve politike!
Pas denoncimit të Autoritetit Rrugor Shqiptar për shpalljen e fituesve për disa procedura prokurimi, për të cilët anëtarët e Komisionit të Vlerësimit të Ofertave po shantazhohen për shpalljen e fituesve, sot Partia Dmokratike përmes zëdhënëse për Antikorrupsion në PD, Genta Vangjeli ka bërë publike procedurat për ofertat konkrete.
“Pak ditë më parë Partia Demokratike denoncoi Autoritetin Rrugor Shqiptar lidhur me shpalljen e fituesve për disa procedura prokurimi për punë civile, për të cilët anëtarët e Komisionit të Vlerësimit të Ofertave po shantazhohen nga eprorët për t`i shpallur fitues këta operatorë. Konkretisht për procedurat ofertat e të cilave u hapën në datën 08 Maj 2024,” thekson Genta Vangjeli duke renditur fituesit dhe procedurat që u vlerësuan me Flamur të kuq, pra, skualifikim i të gjithë operatorëve përveç fituesit ndërsa përfundon:
“Punët publike nuk i nënshtrohen konkurencës e cila mundëson që gara dhe shqyrtimi profesional të zotërojnë, por përdoren favoret politike. Për të shmangur çdo rrezik gjatë garës krerët e ARRSH e vendosin paraprakisht fituesin.”
Deklaratë:
Pak ditë më parë Partia Demokratike denoncoi Autoritetin Rrugor Shqiptar lidhur me shpalljen e fituesve për disa procedura prokurimi për punë civile, për të cilët anëtarët e Komisionit të Vlerësimit të Ofertave po shantazhohen nga eprorët për t`i shpallur fitues këta operatorë.
Konkretisht për procedurat ofertat e të cilave u hapën në datën 08 Maj 2024, me objekt:
Ndërtim rruga Berat-Ballaban, subjekti që pritej të shpallej fitues, dhe sic u paralajmërua nga ne, ishte firma me iniciale “C’ shpk.
Në datën 5 Qershor ARRSH shpalli këtë fitues kundrejt vlerës 19.7 milion euro.
Sipas Open Data procedura është vlerësuar me Flamur të kuq që dmth skualifikim i të gjithë operatorëve përveç fituesit.
Zgjerimi i rrugës së Ksamilit subjekti që pritej të shpallej fitues, siç u paralajmërua nga ne, ishte kompania me inicialet “A. C” shpk
Në dt 4 Qershor ARRSH shpalli fitues kundrejt vlerës 14.2 milion euro operatorin e paralajmëruar nga PD.
Sipas Open Data edhe për këtë procedurë u skualifikuan të gjithë operatorët pjesëmarrës përveç fituesit.
Procedura me objekt: Zgjerimi i rrugës Elbasan – Qafë Thanë, Faza V, subjekti që pritej të shpallej fitues, siç u paralajmërua nga PD, ishte kompania inicialet G..C…. shpk.
Në dt 3 Qershor ARRSH shpalli këtë fitues kundrejt vlerës 24 milion euro ose 99% e vlerës limit.
Sigurisht që edhe për këtë procedurë u skualifikuan të gjithë operatorët pjesëmarrës përveç fituesit.
Siç edhe theksuam në deklaratën tonë të mëparshme punët publike nuk i nënshtrohen konkurencës e cila mundëson që gara dhe shqyrtimi profesional të zotërojnë, por përdoren favoret politike.
Për të shmangur çdo rrezik gjatë garës krerët e ARRSH e vendosin paraprakisht fituesin.
