Pas futjes së proutestuesëve në selinë e PD ende pa filluar Protesta Kombëtare e thirrur nga Komisioni i Rithemelimit të Partisë Kombëtare, ka reaguar Ambasadorja e SHBA në Tiranë, Yuri Kim duke theksuar se Shtetet e Bashkuara janë thellësisht të shqetësuara me rritjen e tensioneve në ndërtesën e selisë së Partisë Demokratike ndërsa i bënë thirrje organizatorëve të protestës që të refuzojnë dhunën.
“Shtetet e Bashkuara janë thellësisht të shqetësuara me rritjen e tensioneve në ndërtesën e selisë së Partisë Demokratike dhe përdorimin e forcës nga protestuesit,” thekson Ambasadorja amerikane përmes rrjetit social Twitter duke bërë thirrje për qetësi:
![](https://i0.wp.com/pafrike.al/wp-content/uploads/2022/01/Yuri-Kim.jpg?resize=720%2C813&ssl=1)
“U bëjmë thirrje organizatorëve të protestës që të refuzojnë dhunën dhe të ushtrojnë qetësi. Ata që nxisin dhunën ose minojnë sundimin e ligjit do të mbahen përgjegjës.”