Tensionet në Veri, Zv/Kryeministri i Kosovës: Presidenti i Serbisë po manipulon!
Zv/Kryeministri i parë për Integrim Evropian, Zhvillim dhe Dialog i Kosovës, Besnik Bislimi, tha soto se vendimi për reciprocitet me targat për automjetet serbe nuk ka të bëjë asgjë me Marrëveshjen e Brukselit sepse ajo ka skaduar me 15 shtator dhe vendimi është legjitim dhe sovran i Kosovës. Qasjen e tillë, Bislimi e quajti gabim dhe konfirmim i manipulimit të Presidentit të Serbisë, Aleksandar Vuçiç.
“Vendimi për targat nuk ka të bëjë asgjë me marrëveshjen e Brukselit, pasi ajo marrëveshje ka skadu me 15 shtator. Vendimi për reciprocitet ishte vendim sovran i Kosovës. Është gabim dhe konfirmimi i asaj që po mundohet të manipuloj edhe Vuçiçi se ky vendim ka të bëjë me marrëveshjen e Brukselit,” tha Besnik Bislimi në Komisionin për Integrime Evropiane ndërsa raportoi edhe për ardhjen e gazit amerikan në Kosovë.
Ai sqaroi se kjo marrëveshje nuk sjell asnjë litër gaz nga SHBA por nga Azerbajxhani dhe Rusia.
” Marrëveshja për gazin nuk e sjell asnjë një litër gaz nga Shtetet e Bashkuara të Amerikës. I gjithë gazi është nga Azerbajxhani dhe Rusia, është budallakët të thuhet se gazi që është nga Greqia dhe përmes Maqedonisë së Veriut është nga Amerika,” sqaroi Zv/Kryeministri Bislimi ndërkohë i pyetur nga deputetët për emërimet politike në Qeveri, ai tha se ka pasur keqpërdorime të mëdha në këtë temë.
Ndryshe, sot Komisioni për Integrim Evropian ka miratuar Programin Kombëtar për zbatimin e Marrëveshjes së Stabilizim- Asociimit, PKZMSA, 2021-2025 dhe Planin e Veprimit për zbatimin e fazës së dytë të prioriteteve politike të dakorduara ndërmjet Bashkimit Evropian dhe Republikës së Kosovës – Agjendës për Reforma Evropiane, PV ERA II.
