Tentojnë të grabisin banesën e 62-vjeçarit, arrestohen dy persona/ Detaje nga ngjarja….

Tre persona të maskuardhe të armatosur tentuan të vjedhin banesën e një 62-vjeçari në Shkodër, ndërsa dy prej tyre u arrestuan nga policia brenda pak minutash.

Forcat e rendit u njoftuan për ngjarjen dhe ndërhyrja e menjëhershme ka shmangur ndoshta një precipitim të situatës.

Ngjarja ndodhi në afërsi të shkollës 9-vjeçare “Ismail Qemali”. Grabitësit pasi hynë brenda shtëpisë kanë goditur disa herë 62 vjeçarin.

Policia ndaloi njërin prej autorëve dhe pak minuta më pas edhe një tjetër, ndërkohë që i treti u shpall në kërkim. 62 vjeçari që u sulmua është dërguar në spital për ndihmë mjekësore.

Njoftimi i policisë Shkodër

Falë reagimit të shpejt të policisë arrestohet në flagrancë dy nga autorët e grabitjes.

Nga shërbimet të Komisariatit Policisë Shkodër, Forcës Posaçme Shqiponja të D. V. P. dhe FNSH në lagjen Kongresi i Përmetit, Shkodër, është arrestuar në flagrancë shtetasi:

P.K 45 vjeç, banues në lagjen Guerile, Shkodër,

A.H, 53 vjeç, banues në lagjen “Ahmet Haxhija”, Shkodër,

Keto shtetas u arrestuan pasi dyshohet të ketë qenë autorë të grabitjes, të cilët sebashku me një shtetas tjetër, kanë tentuar të vjedhin me dhunë banesën e shtetasit A. V. 62 vjeç, me të cilin janë konfliktuar fizikisht, duke i shkatuar dëmtime, jashtë rrezikut për jetën.

Gjithashtu është identifikuar edhe autori i tretë i cili u shpall në kërkim shtetasi F. Sh. 20 vjeç, banues në Shkodër.

Shtetasve të lartpërmendur në momentin e arrestimit ju gjet maska, doreza, dhe një levë hekuri të cilat u sekuestruan në cilësinë e provës materiale.

Vijojnë hetimet për dokumentimin e plotë të kësaj ngjarje.