“Kuvendet në Apel”, Berisha: Me tërheqjen, Alibasha pranoi Kuvendin e 11 dhjetorit!
Pasi Lulzim Basha urdhëroi të komanduarin nga kafexhiu i tij për Kryetar, që të heqë dorë nga ankimimi në Gjykatën e Apelit të vendimit të Gjykatës së Rrethit Gjyqësor Tiranë që nuk lejoi bashkimin e vendimeve dy Kuvendeve të PD të Bashës, ka reaguar sot Kryetari i Partisë Demokratike, Sali Berisha duke theksuar se Alibasha tallet me veten sepse me tërheqjen e tij pranoi Kuvendin e 11 dhjetorit
“Alibasha tallet me veten e tij. Kur dëgjova që Alibasha deklaroi se u zvarrit, në një kohë kur ishte avokati i tyre që katër seanca, ose gjykata përdorte si pretekst se nuk e di si kombinohen me Ramën, kësaj i thonë të tallesh me veten,” tha sot Sali Berisha duke përsëritur edhe sot se vendimi i Gjykatës së Tiranës është një vendim i prerë, i cili automatikisht duhej regjistruar në regjistrin e partive ndërsa foli për fajtorin e vërtetë të kësaj maskarade gjyqësore:
“Rama ka marrë peng gjykatën dhe nuk lejon regjistrimin. Alibasha, në asnjë vend të botës, përveç në drejtësinë e Edi Ramës, nuk mund të bëhet palë në një proces që nuk ka qenë palë.
Kjo ndodh për herë të parë në historinë e botës. Është absolutisht i pavlerë. Alibasha ka të drejtë, ai dhe çdo qytetar, të shkojë në gjykatën e faktit, dhe për çdo objeksion apo provë, të hapë një proces të ri, por jo të bëhet palë. Kjo ndodh në drejtësinë qesharake të Ramës, që vepron si në diktaturë, që pengon regjistrimin që është automatik dhe i padiskutueshëm të vendimit të gjykatës për Kuvendin e 11 dhjetorit,” tha Kryetari i PD duke përfunduar:
“Duke u tërhequr nga Kuvendi i 18 dhjetorit, Alibasha de facto pranoi Kuvendin e 11 dhjetorit. Por ai zbaton urdhrat e Edi Ramës. Ata janë të pavlerë, që keqpërdoren nga një njeri që nuk ka asnjë parim, nuk respekton asnjë parim, asnjë ligj, asnjë normë.”
Ndryshe, pasi Gjykata e Apelit më 12 Janar rrëzoi kërkesën e Bardhi-Alibeajt për përjashtimin e gjyqtares Irida Kacerja si relatore e çështjes për apelimin e vendimit të Gjykatës së Rrethit Gjyqësor Tiranë që nuk lejoi bashkimin e vendimeve dy Kuvendeve të PD të Lulzim Bashës, sot në prag të seancës së caktuar nga Apeli, dy ish-ministrat e Drejtësisë që i japin mend Bashës se si nuk duhet të fitohen zgjedhjet, hoqën dorë nga ky proces në Gjykatën e Apelit.
“Për shkak se statuti i miratuar nga Kuvendi i korrikut 2021 është akti mbi të cilin pretendohet se është bazuar mbledhja e të vetëquajturit Kuvendi i 11 dhjetorit 2021 vijimi i gjykimit të kësaj çështje thjesht pengon gjykimin e çështjes mbi legjitimitetin e Kuvendit të 11 dhjetorit dhe zgjidhjen përfundimtare të legjitimitetit të organeve drejtuese të Partisë Demokratike,” tha avokati Indrit Sefa i bindur se gjyqi i planifikuar për sot ndoshta është bërë pengesë për gjykimin e vendimit të Zhukrit ndonëse është e qartë se për këtë vendim pengesë janë shefi i Sefës, Lulzim Basha dhe padroni i tij, Edi Rama!
Gjithsesi Gjykata e Apeli pranoi kërkesën e PD të Lulzim Bashës për heqjen dorë nga ky ankimim!
