Tërhiquni sa nuk është vonë!

nga Prof.Dr.Gjok Vuksani

Çfarë na duhen një palë zgjedhje që po na ngatërrojnë më keq!

Në skutat e memories sime të fëmijërisë më kujtohet një nam që lëshonin të moçmit:

Mos mor të shitoftë Zana!

Mendoj se ka ardhë momenti që me këto fjalë t’iu drejtohemi atyre që po na çojnë me një lloj cinizmi drejt zgjedhjeve monopartiake.

Çfarë ju duhen shqiptarëve ca Kryetar të emëruar nga Partia që nuk i zgjedh askush.

Kur edhe këto të zgjedhurit në mënyrë normale janë fare të pandjeshëm ndaj problemeve të njerëzve.

Çfarë na duhen një palë zgjedhje që po na ngatërrojnë më keq dhe nuk zgjedhin asgjë.

Mos mor Ju shitoftë Zana!

A nuk e shikoni se çdo gjë në këtë vend po shkon keq e më keq.

A nuk e shikoni se njerëzit janë ba me folë me vete nga hallet e mëdha.

A nuk e shikoni si janë shkretu krahina të tëra në jug dhe veri të vendit dhe kanë mbetur vetëm ca pleq si kërcuj të vetmuar.

Mos mor Ju shitoftë Zana!

Shqiptaret janë të mërzitur dhe të zhgënjyer dhe zemërimi i tyre mund të marrë gjithçka përpara.

Keni marrë një përgjegjësi të madhe mbi supe që as mali i Korabit nuk mund ta mbajë.

Tërhiquni sa nuk është vonë!