Termet i fuqishëm afër Ulqinit
Një tërmet i fuqishëm ka tronditur Ulqinin.
Televizioni publik i Malit të Zi bëri të ditur se sipas Entit Sizmiologjik, tërmeti ishte me fuqi prej 5.1 ballë, me epiqendër katër kilometra në verilindje të Ulqinit dhe 55 kilometra nga Podgorica.
Pas përpunimit të të dhënave, Qendra Mesdhetare Sizmiologjike saktëson se tërmeti ishte me fuqi 4.6 ballë, thellësi 10 kilometra, 48 kilometra nga Podgorica dhe 17 kilometra nga Shkodra.
Për momentin nuk ka të dhëna për dëmet por tërmeti ka shkaktuar panik ndër banorët e këtij qyteti.
