Tërmet i fuqishëm godet Puerto Ricon

Një tërmet i fuqishëm me magnitudë 6.0 të shkallës Richter goditi brigjet perëndimore të Puerto Ricos, bëri të ditur Shërbimi Gjeologjik i Shteteve të Bashkuara.

Tërmeti goditi rreth 62 kilometra në veriperëndim të qytetit San Antonio, mbrëmjen e kaluar, në orën 05:23 (23:23 sipas kohës lokale).

Ndërkohë Qendra Mesdhetare Sizmiologjike, EMSC, raporton se tërmeti me magnitudë 6.0 të shkallës Rihter dhe thellësi 10 km ra në orën 05:23, 60 km nga San Antonio dhe 144 kilometra nga San Juan

Në San Antonio ndodhet aeroporti Rafael Hernandez – një lidhje kryesore ajrore për në territorin e Shteteve të Bashkuara.

Ndryshe, në vitin 2010, shteti pranë i Haitit është goditur nga një tërmet shkatërrues me magnitudë 7.0 të shkallës Richterit, i cili ka lënë mbi 250.000 njerëz të vdekur dhe ka dëmtuar rëndë infrastrukturën e vendit.