Tërmet i fuqishëm në Alaskë, paralajmërohet cumani

Një tërmet i fuqishëm tronditi Alaskën jugore, duke nxitur një paralajmërim për cunami për zonën e Cook Inlet-it.

Tërmeti ishte me magnitude 7 ballë goditi në jug të Point MacKenzie-t në Alaskë, me një epiqendër prej shtatë miljesh ose 11.4 kilometra nga qyteti Anchorage, njoftoi shërbimi Gjeologjik amerikan. Thellësia e forcës goditëse të tij u llogarit në 43 km.

Shërbimi Kombëtar i Motit tha fillimisht se nuk kishte rrezik për cunami, por pak minuta më vonë agjensia shkruante në Twitter se ka një paralajmërim për zonën e Cook Inlet-in, që lidh qytetin e Anchorages me Gjirin e Alaskës, raporton VOA.

Nuk ka ende informacione zyrtare për dëme apo lëndime në njerëz. Foto të postuara në rrjetet sociale tregojnë dëmtime të një shkolle dhe segmente rrugore të prishura në një zonë. Fillimisht u njoftua se tërmeti kishte një magnitudë prej 6.7 ballësh.