Tërmet i fuqishëm në Haiti, të paktën 227 të vdekur. Alarm për stuhi tropikale…
Tërmeti me magnitudë 7.2 të shkallës Richter, i cili goditi mëngjesin e sotëm Haitin la të vdekur të paktën 227 persona ndërsa dëmet materiale janë shumë të mëdha.
Mbrojtja Civile raporton për qindëra të plagosur dhe të zhdukur.
Tërmeti i cili goditi Haitin në orën 8:30 ishte me epiqendër 12 kilometra nga Saint Louis du Sud, rreth 150 kilometra nga kryeqyteti Port au Princea, raporton Instituti Amerikan për Gjeofizikë, USGS.
Agjencia kombëtare për oqeane fillimisht lëshoi alarmin për tsunami, por shumë shpejtë e tërhoqi.
Enti gjeologjik amerikan regjistroi edhe disa pasgoditje ku më i fuqishmi ishte 5.2 i shkallës Richter.
Në vendin e goditur nga tërmeti doli dhe kryeministri Ariel Henry, i cili shpalli gjendjen e jashtëzakonshme e cila do të zgjas të paktën 1 muaj.
Sa i përket dëmeve materiale, janë rrënuar shumë shtëpi, shumë njerëz kanë ngelur pa kulm mbi kokë ndërsa është shembur dhe spitali qendror në qytetin Les Cayes, i cili është dhe më godituri.
#BREAKING
— Algeria – News (@Algeria_News_DZ) August 14, 2021
Watch the sea water recede after the earthquake in #haiti#earthquake pic.twitter.com/HMqVBbi7Ke
Tërhiqet deti, më pas përmbyten qytetet
Pas tërmetit, në rrjetet social u shfaqën video të tërheqjes së detit.
Por pas një kohe të shkurtër, niveli i ujit filloi të rritet ndërsa batica përmbyti rrugët në qytet.
BREAKING NEWS 🟥 +++ Sea begins to enter in Haiti, after the 7.2 powerful earthquake. There is a tsunami warning in progress.pic.twitter.com/1Zne9qmq0e
— 🔶 news alert 🇭🇹 Special Haiti earthquake (@igandean) August 14, 2021
Kjo shkaktoi panik ndër qytetarë të cilët vazhdojnë të jenë të shokuar nga tërmeti shkatërrimtar.
