Tërmet i fuqishëm, panik në Tiranë dhe Durrës. EMSC: Magnitudë 5.8 të shkallës Rihter

Një tërmet i fuqishëm ka tronditur Tiranēn dhe Durrësin.

Qendra Sizmiologjike Mèsdhetare EMSC raporton se termeti ra në orën 16:04 dhe ishte me magnitudë 5.8 të shkallës Rihter me epiqendër në deti, 6 km afër Durrësit dhe 34 km afër Tiranës.

Vetëm 11 minuta më pas tërmeti me magnitudë 5.3 të shkallës Rihter ra 7 km afër Durrësit dhe 31 km afër Tiranës raporton EMSC.

Ndryshe, EMSC raporton se edhe rreth orës 11:37 është shënuar një tërmet me magnitudë 3.2 të shkallës Rihter, 6 km afër Durrësit dhe 31 km afër Tiranës.

Ndërkohë, Institutit të Gjeoshkencave Energjisë Ujit dhe Mjedisit, IGJEUM, raporton se tërmeti ka qenë me magnitudë 5.8 të shkallës Rihter dhe intensitet mbi 7.5 ballë. Epiqendra ka qenë 30 km në veri të Durrësit. Në bregdet afër kepit të Rodonit.