Tërmet i fuqishëm, trondit Lezhën

Një tërmet me magnitudë 5.0 të shkallës Rihter ka trondiitur qytetin e Lezhës ndërkohë që është ndjerë edhe në Tiranë e Durrës.

Qendra Sizmologjike Mesdhetare, EMSC, raporton për një tërmet i cili ra në orën 22:17 me magnitudë 5.0 të shkallës Rihter dhe thellësi 5 km, me epiqendër vetëm 2 kilometra nga qyteti i Lezhës dhe 54 kliometra nga Tirana.

Ende nuk raportohet për viktima në njerëz ose dëme materiale por tërmeti ka shkaktuar panik ndër qytetarët e Lezhës të cilët kanë dalë në rrugë.