Tërmet në Trekëndëshin e Bermudës
nga Agim Popoci
Një tufë analfabetësh funksional në politikë që janë kurorëzuar me mandatin e deputetit në këtë përbërje parlamentare, i besuan kryetarit të tyre Lulzim Basha kur tha nga foltorja e parlamentit se në tokën shqiptare na qenka një Trekëndësh i Bermudës, Rama-Meta-Berisha, që lëviz gjithçka dhe është e zeza e këtij vendi!
Kjo tufë nuk çau kokën se sa është sasia e metanit në këtë territor të diskutueshëm dhe kush i shkakton lëvizjet tekonike që të ndodhin erupsionet e këtij metani, por u mjaftua me fluskat e mëdha që i përhapi dhe vazhdon ti përhap Kryetari i tyre edhe pa metan.
Pse e besoj kjo tufë, nuk ishte dhe ndonjë çudi! Madje nuk ka se si të ndodhë ndryshe kur po kjo tufë doli në protestë për të mbështetur Ilir Metën në betejën e tij me Edi Ramën, duke e ditur të kaluarën kriminale të Metës; Dhe, kur Meta i ktheu kurrizin Bashës, ky llum opozitar kujtohet se nuk është ai Iliri i 3 Marsit që ngazëllente me simbolin e shqiponjës dhe Kushtetutën në dorë, dhe as ai si mundësia e vetme me të cilin në vitin 2021 ishte e sigurt fitorja e PD me lider Llullin, por ai që shkaktoi 21 janarin dhe rrëzimin e PD nga pushteti në vitin 2013, një mashtrues dhe bashkëpunëtor i Ramës me të cilin nuk ia vlenë të vish në pushtet!
Dhe, jo vetëm kaq! Nga të çarat në fundin e detit, përveç Llullit na dolën dhe shumë ekspertë të Trekëndshit të Bermudës që të lenin përshtypjen thuase kanë lindur në Oqeanin Atlantik dhe jo në tokën ku vazhdojnë të lindin me breza, shqiptarë që adhurojnë kriminelë si Enver Hoxha dhe Edi Rama, ose idiotë si Lulzim Basha!
Dhe, normalisht ka njerëz që i besojnë këtyre ekspertëve, jo se ata janë të besueshëm por që mbështeten nga njeriu i cili pas 10 viteve së kënduari të himnit kombëtar në shkallët e selisë së PD si Kryetar, sot thotë se nuk ishte ai që merrte vendime por Sali Berisha!
Por, as kjo nuk e pengon këtë tufë budallenjsh me mëkëmbësit e tyre të besojnë se diku ndër këmbët e tyre lëviz një Trekëndësh i Bermudës dhe ideon fatin e tyre, ashtu siç e mendon Rama, Meta dhe Berisha!
Kjo nuk i pengon as atyre të përndjekurve që i besuan këtij lideri se u hapën dosjet, dhe kur në ceremoninë e inaugurimit thirret për të na bindur se si janë hapur dosjet edhe bashkëpunëtori i Sigurimit të Shtetit, Çiftelia, i cili ka spiunuar mikun e tij shkrimtar!
Përkundër këtij ideali, në pamundësi që të kontrolloj edhe njeriun që vërtetë shkakton tërmete në skenën politike, që i vjedhë vota kësaj tufe, por, dhe kujdeset për mirëqenien e tyre, Damian Gjiknuri, lider Llullit i ndodhë një erupsion ndër grupin e tij që e kishte idenë se e komandon!
Pas shpërthimit të skandalit me ish-zyrtarin e lartë të kundërzbulimit të FBI-së, Charles McGonigal, ku u bë e qartë se, po, kishte një Trekëndësh të Bermudës që lëviz në këtë vend dhe ai është Sigurimi i Shtetit-Rama-Llulli, kjo fundjavë trazoi paksa planet e këtij territori të diskutueshëm, të cilin Sigurimi dhe Rama e mendonin se nuk kishte rrezik nga ndonjë erupsion i pakontrolluar!
Një takim i mistershëm i Damian Gjiknurit, në një kafe në Blloku me Agron Gjekmarkajn u shoqërua me pako që Gjiknuri e futi në kafe, dhe e shkreta pako doli në dorën e Gjekmarkajt. Ndonëse u mendua se ky takim u zhvillua larg syve të tufës që sot nuk i besojnë vetëm Sali Berishës dhe do të qetësoj ca shpirtra të acaruar nga Taulant Balla, tek Babai i mistereve që blen edhe FBI-në lindën ca dyshime që vetëm ekspertët e Trekëndëshit e Bermudës mund ta ndihmojnë, për ta siguruar se amaneti përfundoi në destinacionin e duhur!
E pse jo dhe të qartësojnë ata që vetes i thonë demokratë dhe shkojnë hap pas hapi, në rresht pas kësaj tufe!
Ku e çoi dërgesën Agron Gjekmarkaj! Nëse përfundoi te Llulli, gjithçka është OK sepse ajo do kthehet sërish përmes shantazheve në folenë e Trekëndëshit të Bermudës, dhe si territor do ngelet i patrazuar, Sigurimi i Shtetit-Rama-Llulli!
Por, nëse ajo dërgesë ka përfunduar në duart e Kryetarit të komanduar nga kafexhiu i Llullit, si do vete halli nëse haberi përfundon në veshin e Kunatit dhe nuk ndërhynë dot as me lekë! Do të duhet edhe një dërgesë tjetër për Llullin apo është vonë pasi ai është bindur tashmë se po ndodhë rilindja e Trekëndëshit të Bermudës, dhe mutacioni që ishte përfolur pas shtrëngimit të dorës së Taulantit në radhë për dashuri me ish-shefin e CIA-s u bë realitet, dhe kafexhiu do marrë urgjentisht urdhrin e radhës për komandim të ri! Dhe, kjo ndryshon shumë gjëra…
Apo, ka mundësi që kjo dërgesë të ketë dhe dedikimin e paplanifikuar si nga Llulli ashtu dhe dora e tij e djathtë e komanduar, dhe jo Edi Rama por ata që shkojnë pas kësaj tufe, duhet të presin ta zbulojnë vetëm pas votimit të ligjeve me 2/3 si dhe Avokatin e Popullit, që të zyrtarizohet dhe konfigurimi i ri i Trekëndëshit të Bermudës, nga dalja e të cilit, tashmë pas “Skandalit McGonigal”, vetëm çarja aktuale e fundit të detit mund të pësoi, Llulli që s’ha barë!
Gjithsesi, fatkeqësia për tokën shqiptare vazhdon, me ose pa Llullin, me ose pa dërgesën e Damian Gjiknurit, përderisa në këtë tokë të përmbytur me gjak është Sigurimi i Shtetit ai që do të vazhdoj të caktoj, si metanin, erupsionin e tij, ashtu dhe të çarën në fundin e detit!
