Tërmeti/ Edi Rama kërkon shtyrjen e gjendjes së jashtëkonshme deri më 31 mars 2020
Kryeministri Edi Rama kërkon shtyrjen e gjendjes së fatkeqësisë natyrore për qarqet Durrës, Lezhë dhe Tiranë deri më 30 mars të vitit 2020.
“Objektivi i këtij projektvendimi janë garantimi i sigurisë së jetës së banorëve, sigurimi i veprimtarisë normale për jetesën e komuniteteve të prekura në këto zona si dhe marrja e masave parandaluese, mbrojtëse e rehabilituese, në infrastrukturën dhe mjedisin e prekur nga situata e prekur,” thuhet në propozimin e Këshillit të Ministrave të sigluar nga Edi Rama e që I drejtohet Parlamentit të Shqipërisë për zgjatjen e gjendjes së fatkeqësisë natyrore duke e argumentuar:
“Duke pasur parasysh, që gjatë 30 ditëve të para pas tërmetit, përfundojë faza e kërkimit-shpëtimit dhe fillojë faza e verifikimit, përfundimi i fazës së verifikimit, hartimi dhe zbatimi i masave afatshkurtra të rregullimit të pasojave, me qëllim-sigurimin e jetesës së banorëve është baza e nevojës për zgjatjen e afatit të gjendjes së fatkeqësisë natyrore në qarqet Durrës, Tiranë dhe Lezhë.
Duke pasur parasysh, se lëkundjet e tërmetit ndonëse me frekuencë dhe me intensitet më të ultë vazhdojnë të ndihen në qarqet e përmendura, veprimtaria e strukturave operacionale dhe nevoja e masave në kuadër të gjendjes së fatkeqësisë natyrore është emergjente, si në ditët e para të marrjes së masës.”
Ndryshe, në orët e para të mëngjesit të 26 nëntorit, vendi u godit nga një tërmet me magnitudë 6.3 ballë të shkallës Rihter, ku u regjistruan 51 viktima dhe pati dëme të mëdha të ndërtesa. Gjendja e fatkeqësisë natyrore, duhej të përfundonte me datë 29 dhjetor 2019.
