Tërmeti godet jugun e Shqipërisë, ja ku ishte epiqendra

Mëngjesin e sotëm një tërmet i fuqishëm ka goditur jugun e Shqipërisë. Sipas Qendrës Sizmologjike Mesdhetare, EMSC, tërmeti me magnitudë 4.0 të shkallës Rihter dhe thellësi 2 km, i cili ra në orën 7:26 ishte me epiqendër 2 km nga Himara.

Instituti i Gjeoshkencave IGjEUM raporton për dy tërmete mëngjesin e sotëm. Tërmeti i parë ka rënë në orën 6:43 me magnitudë 2.2 të shkallës Rihter, thellësi 17 km dhe epiqendër në Kalasë të Himarës. Ndërsa tërmeti i dytë ishte ai i orës 7:26 me magnitudë 4.2 të shkallës Rihter dhe thellësi 19 km, epiqendra e të cilit ishte 5 km nga Borshi.

Lëkundje janë ndjerë në disa qytete të jugut dhe nuk raportohet për dëme materiale.