Tërmeti i fuqishëm godet Turqinë, 15 të vdekur e 225 të plagosur. Vazhdojnë kërkimet nën rrënoja…

15 të vdekur dhe 225 persona të plagosur. Ky është bilanci i deritanishëm nga tërmeti i fuqishëm që goditi mbrëmjen e sotme pjesën Lindore të Turqisë. Ministri i Brendshëm turk Süleyman Soylu pohoi se raportohet për 100 ndërtesa të shkatërruara në Elazig.

Qendra Sizmologjike Mesdhetare, EMSC, në orën 20:55 me orën lokale (18:55 GMT) ka regjistruar një tërmet të fuqishëm me magnitudë 6.8 të shkallës Rihter dhe thellësi 15 km, me epiqendër 18 km në veri të Çüngüş dhe 34 km në lindje të Elazığ.

Autoriteti për Menaxhimin e Fatkeqësive dhe Emergjencave të Turqisë, AFAD, duke raportuar për tërmetin me 6.8 goditi qarkun Sivrice të Elazığ në orën 20:55 thekson se pasuan edhe 47 pasgoditje me magnitudë nga 2.2 deri në 5.4 të shkallës Rihter.

Ministri i Mjedisit dhe Urbanizimit Murat Kurum dhe Ministri i Shëndetësisë Fahrettin Koca janë në vendin e ngjarjes ndërsa Zyra e Presidentit Rexhep Tajip Erdogan ka reaguar menjëherë pas tërmetit.

“Po ndjekim situatën nga afër. Siguria e qytetarëve tanë është prioritet. Zoti qoftë me kombin tonë”, thuhet nga presidenca e Turqisë. Jemi të gjithë në terren dhe po kujdesmi për të lënduarit nga tërmeti. Ka 4-5 ndërtesa të rrënuara në qendrën e Sivrice. 4 nga qytetarët tanë vdiqën. Ka dhjetëra të plagosur. Përsëri, u raportua se 10 ndërtesa janë dëmtuar në qendër të Elazig.  Nuk ka humbje jete ne qender te Elazig. Ekzistojnë gjithashtu vlerësime se disa ndërtesa janë dëmtuar në Malatya. Ky është informacioni që mund të sigurojmë deri më tani. Mbi 5 tërmete të mëpasshme u ndjenë në rrethet fqinje”, thuhet në reagim.

Tërmeti i fuqishëm ka shkaktuar panik ndër qytetar ndërkohë disa nga godinat shpërthyen në flakë:

“Tërmeti ishte shumë i fortë. Allahu i ndihmoftë vëllezërit tanë në Elazig”, shkruan një qytetar në Twitter, teksa poston një video brenda një shtëpie si lëkundet nga tërmeti. Dikush tjetër lutet teksa lëkundjet vazhdojnë.

Elazığ/Sivrice’deki deprem sonrası durum pic.twitter.com/w5ku80l0Pe

— Turkish Market (@kamerknc) January 24, 2020

Kryeministri Edi Rama nuk ka reaguar ende ndërsa vartëi i tij në Ministrinë e Jashtme, Gent Cakaj, i shqetësuar shprehet:

“Jam i shqetësuar thellësisht për tërmetin e fundit që tronditi Turqinë. Në këto momente të vështira, ndodhemi pranë vëllezërve tanë turq, të prekur nga tërmeti. Mendimet dhe lutjet tona janë për Turqinë”, shkruan Cakaj.

Ndërsa Ish-Ministri i Jashtëm, Tritan Shehu duke reaguar në emër të PD thekson se populli shqiptar duhet t’i qëndrojë Turiqisë në krah.

“Termet i fuqishem ne pjesen Lindore te Turqise. Te shpresojme per sa me pak deme e te lenduar, duke shprehur te gjithe solidaritetin tone me ate vend e popull mik. Ashtu si Turqia na qendroi prane ne fatkeqesine tone te dhjetorit, ashtu dhe ne, me cfare mundemi duhet tu qendrojme ne krah.
Lutemi per ate vend e per ata njerez.”